"سەن كەتكەلI ەشتەڭە جوق وزگەرگەن..."
(قازاقتىڭ تۇڭعىش بارد اقىنى تابىلدى دوسىموۆتىڭ ەلۋ جاسىنا ارناۋ)
ەرتەڭ دوسىم سەن ەلۋگە كەلەر ەدىڭ...
-ءاي، سقابىلدىڭ بالاسى، ەلۋىمدى ەل تويلاپ جاتىر. سەن نەگە ءۇنسىزسىڭ؟-دەپ تەلەفون شالار ما ەدىڭ...
قايدام؟ بۇل قازاق تىرىسىندە كىمدى توبەسىنە كوتەرىپ ەدى؟ ءتىرىنى قويشى، ولگەندەردىڭ دە بۇل دۇنيەدە تانىسى بولۋى كەرەك زامان بولىپ تۇر. ساعان ءبارىبىر دوسىم، بىلەمىن...ءوزىڭ ايتىپ كەتكەنسىڭ - "دوستار مەنىڭ قابىرىمە كەلمەڭدەر، تىرىلەردى تانىمايدى ولگەندەر". ال، تىرىلەرگە ۇيات-تى! ءۇنسىزبىز. اتىراۋ دا، الماتى دا، استانا دا...
ءوز سوزىڭمەن ايتسام، "سەن كەتكەلى ەشتەڭە جوق وزگەرگەن". سول باياعى وزىنە قيماي، وزگەگە جەم بولىپ جۇرگەن قازاق! "مۋز-تۆ"-عا ميلليون شاشتىق،ال، حاندىقتىڭ تويىنا قارجى تاپپاي قينالىپ جاتىرمىز. سەنى ويلاۋعا مۇرشاسى جوق اكىم- قارانىڭ! ءوزىڭ جاقسى كورگەن يماقاڭ مەن ىزمۇحاممەت اعاڭا جەتە الماي قالدىق قوي! وزدەرى جوعارى باعا بەرگەن ءور تابىلدىڭ ەلۋىندە ەستە قالارلىقتاي ءبىر شارا وتكىزۋگە ولاردىڭ شاماسى كەلمەيدى دەگەنگە مەن سەنبەيمىن، تابىل دوس! اناۋ ورىستىڭ ۆىسوتسكيiن دە وسىنداي ازاماتتار اسپانعا كوتەرىپ، ولمەس ەسكەرتكىش ورناتتى ەمەس پە؟
ازىرگە، "سەن كەتكەلى ەشتەڭە جوق وزگەرگەن", دوسىم! ءتىرىمىز..."سول الماتى، سول وزەن..." ساعىنعاندا باياعى جاستىقتىڭ ءىزى قالعان جەرلەردى ارالاپ قايتامىز. كەيدە ءوزىڭ تۇسكە ەنەسىڭ. سول باياعى جىميعان، تابىل...قوڭىر گيتاراڭدى كۇبىرلەتىپ ءان سالاسىڭ ، دوسىم! سوسىن...قالاي ءدال تاۋىپ جازىپ كەتكەنسىڭ ؟
...قىزىنىپ الىپ، وقيسىڭ ولەڭ تىك تۇرىپ،
مەن ءۇنسىز قالام قوس جانارىما شىق تۇنىپ،
سونان سوڭ، سوسىن. . . كەتەسىڭ كوزدەن عايىپ بوپ،
جالعاننىڭ جالعان ەكەنىن ماعان ۇقتىرىپ.
ەلەسىڭ ءوشىپ، " كەلەسىڭ قاشان تاكەم " دەپ،
جوعالتىپ سەنى، بۇرىشتى جالعىز مەكەندەپ،
ەرنەۋىنەن كەپ سۇيەمىن سوسىن بوكالدىڭ،
ەرنىڭنىڭ ىستىق تابى قالدى ما ەكەن دەپ. . .
ارمان سقابىلۇلى
Abai.kz
