بىشكەك. 26 مامىر. قازتاگ - قىرعىزستاننىڭ ۋاقىتشا ۇكىمەتى ميليتسياعا قارۋ-جاراق، جارىلعىش زاتتارىن تاپسىراتىندار ءۇشىن سىياقى تاعايىندادى، دەپ حابارلادى «اكيپرەسس» بىشكەكتىڭ قىلمىستىق ىزدەۋ باسقارماسىنىڭ باستىعى رافيك مامبەتاليەۆكە سىلتەمە جاساپ.

تاپسىرىلعان گراناتااتقىش نەمەسە پۋلەمەت ءۇشىن 8 مىڭ سوم (ت3,25/سوم), اۆتومات نەمەسە سنايپەرلىك مىلتىق ءۇشىن 4,8 مىڭ سوم بەرىلەدى. ميليتسياعا تاپانشا، رەۆولۆەر نەمەسە شولاق مىلتىق اكەلگەن ادام 3,2 مىڭ سوم كولەمىندە سىياقى الادى.

اگەنتتىكتىڭ اقپاراتى بويىنشا، تروتيل مەن گەكسوگەن حالىقتان ءجۇز گرامى ءۇشىن 800 سومنان، قول گراناتالارى مەن مينالاردىڭ ءار داناسى 1,6 مىڭ سومنان ساتىپ الىنادى. ميليتسياعا وق-ءدارى اكەلگەندەرگە ءجۇز گر. ءۇشىن 50 سومنان بەرىلەدى.

ەسكە سالا كەتەيىك، ساۋىردەگى توڭكەرىس جانە ودان كەيىن بولعان تارتىپسىزدىكتەر كەزىندە كوتەرىلىسشىلەر كۇش قۇرىلىمدارىنان كوپ كولەمدە قارۋ تارتىپ العان. بۇلىكشىلەر اكىمشىلىك عيماراتتاردى (مىسالى، تالاستاعى وبلىستىق ءىىب، ونداعى تارتىپسىزدىكتەر كەيىن بىشكەككە اۋىستى) باسىپ الۋ كەزىندە دە قارۋ يەمدەنگەن بولاتىن.

ولار بۇل قارۋدى بىشكەكتە ۇكىمەت عيماراتىن شابۋىلداۋ كەزىندە پايدالاندى. قارۋدىڭ ءبىر بولىگى كەيىن توناۋشىلىق ارەكەتتەرىنە بارعانداردىڭ قولىندا قالدى.

بىشكەك. 26 مامىر. قازتاگ - قىرعىزستاننىڭ ۋاقىتشا ۇكىمەتى ميليتسياعا قارۋ-جاراق، جارىلعىش زاتتارىن تاپسىراتىندار ءۇشىن سىياقى تاعايىندادى، دەپ حابارلادى «اكيپرەسس» بىشكەكتىڭ قىلمىستىق ىزدەۋ باسقارماسىنىڭ باستىعى رافيك مامبەتاليەۆكە سىلتەمە جاساپ.

تاپسىرىلعان گراناتااتقىش نەمەسە پۋلەمەت ءۇشىن 8 مىڭ سوم (ت3,25/سوم), اۆتومات نەمەسە سنايپەرلىك مىلتىق ءۇشىن 4,8 مىڭ سوم بەرىلەدى. ميليتسياعا تاپانشا، رەۆولۆەر نەمەسە شولاق مىلتىق اكەلگەن ادام 3,2 مىڭ سوم كولەمىندە سىياقى الادى.

اگەنتتىكتىڭ اقپاراتى بويىنشا، تروتيل مەن گەكسوگەن حالىقتان ءجۇز گرامى ءۇشىن 800 سومنان، قول گراناتالارى مەن مينالاردىڭ ءار داناسى 1,6 مىڭ سومنان ساتىپ الىنادى. ميليتسياعا وق-ءدارى اكەلگەندەرگە ءجۇز گر. ءۇشىن 50 سومنان بەرىلەدى.

ەسكە سالا كەتەيىك، ساۋىردەگى توڭكەرىس جانە ودان كەيىن بولعان تارتىپسىزدىكتەر كەزىندە كوتەرىلىسشىلەر كۇش قۇرىلىمدارىنان كوپ كولەمدە قارۋ تارتىپ العان. بۇلىكشىلەر اكىمشىلىك عيماراتتاردى (مىسالى، تالاستاعى وبلىستىق ءىىب، ونداعى تارتىپسىزدىكتەر كەيىن بىشكەككە اۋىستى) باسىپ الۋ كەزىندە دە قارۋ يەمدەنگەن بولاتىن.

ولار بۇل قارۋدى بىشكەكتە ۇكىمەت عيماراتىن شابۋىلداۋ كەزىندە پايدالاندى. قارۋدىڭ ءبىر بولىگى كەيىن توناۋشىلىق ارەكەتتەرىنە بارعانداردىڭ قولىندا قالدى.

كەيىن بۇلىكشىلەردىڭ كەيبىرى قارۋدى بيلىككە تاپسىردى. 25 مامىرداعى جاعداي بويىنشا، قىرعىزستان ميليتسياسى جۇزدەگەن پۋلەمەت، اۆتومات، گراناتااتقىش، تاپانشا، اڭشى مىلتىقتارىن جيناعان. ساۋىردەگى وقيعالاردى تەرگەۋ كوميسسياسىن باسقارعان قىرعىز قۇقىق قورعاۋشىسى تولەقان يسمايلوۆا بۇلىكشىلەردىڭ قولىندا ەكى مىڭعا جۋىق قارۋ قالعانىن ايتقان بولاتىن.

ميليتسيا قارۋدى ءوز ەركىمەن تاپسىرعاندارعا قاتىستى جازا قولدانباۋعا ۋادە بەردى. ال قىرعىز بيلىگى اۆتوماتتار مەن تاپانشالاردى بۇلىكشىلەر يەمدەنىپ العانى تۋرالى ايتپاي وتىر. مۇنىڭ ورنىنا كۇش قۇرىلىمدارى قارۋدى «جوعالتىپ الدى» دەپ مالىمدەلدى.

ەل استاناسىنىڭ قىلمىستىق تەرگەۋ باسقارماسى باستىعىنىڭ ايتۋىنشا، «جوعالعان قارۋدى» قازىر ميليتسيا عانا ەمەس، ازاماتتىق تۇلعالار دا ساتىپ الىپ جاتىر. ساتىپ الۋشىلاردىڭ كوبى - قىلمىستىق توپتاردىڭ وكىلدەرى.