ا ش ى ق  ح ا ت

قر مادەنيەت جانە سپورت ءمينيسترى

مۇحامەديۇلى ارىستانبەككە

اسا مارتەبەلى ارىستانبەك مۇحامەديۇلى!

بيىل قازاق ەلى تاۋەلسىزدىگىنىڭ 24 جىلدىعىن اتاپ وتەدى. الايدا، ءسىزدىڭ مينيسترلىك ەلىمىزدىڭ اتاۋىن مەملەكەتتىك تىلگە سايكەس ەمەس، بۇرالقى اتاۋ تۇرىندە، بوگدە ءتىلدىڭ ورايىمەن الەمگە جايىلىپ كەلە جاتقانىنا نازار اۋدارماعالى دا 24 جىل بولدى. ناقتىراق ايتساق، ەلدىڭ «قازاقستان» اتاۋى ورىسشا - «كازاحستان»، ال اعىلشىنشا - ورىسشا نۇسقادان الىنىپ «Kazakhstan» اتالىپ كەلەدى. ەل اتاۋىنىڭ ءالى كۇنگە وزگە تىلدەردەگى ترانليتەراتسياسى مەن ترانسكريپتسياسى ورىس تىلىنەنىڭ تابيعاتىنا ساي جاسالۋدا. بۇل تۋراسىندا ءسىزدىڭ مينيسترلىككە قارايتىن ەلدەگى ءتىل ساياساتىنىڭ بىردەن ءبىر قۇزىرلى ۋاكىلەتتى ورگان رەتىندە ءتىل كوميتەتى اتالعان ماسەلەنى لينگۆيستەر مەن ءتيىستى ورگاندار الدىندا ەشقاشان قويعان ەمەس ءارى نازار اۋدارماي كەلەدى.

بۇل جايت - كونستيتۋتسيامىزدىڭ تىلدەرگە قاتىستى باپتارىنا قايشى!

ءسىز باسقارىپ وتىرعان مينيسترلىك بۇل كەمشىلىكتى تۇزەتۋگە 24 جىل بويى ەشقاشان نازار اۋدارماعانى وكىنىشتى.

اتالعان جايتتى قازاقستان رەسپۋبليكاسىنىڭ ازاماتى رەتىندە نۇسقاي وتىرىپ، سىزدەن بۇل ماسەلە بويىنشا ءتيىستى عىلىمي جانە مەملەكەتتىك ورگاندارعا باستامامەن شىعىپ، قاتەلىكتى تۇزەتەدى دەگەن سەنىمدەمىز. ولاي بولماعان جاعدايدا مينيسترلىكتى جاۋاپقا تارتۋعا ازاماتتىق باستاما كوتەرەتىنىمىزدى ەسكەرتەمىز.

قازاقستان رەسپۋبليكاسىنىڭ ازاماتتارى: 

 Abai.kz