قازاقستان رەسپۋبليكاسىنىڭ ۇكىمەتىنىڭ № 483 قاۋلىسىنا سايكەس 2015 جىلدىڭ 26-شىلدەسىنەن باستاپ، 2017 جىلدىڭ 31-جەلتوقسانىنا دەيىن 19 مەملەكەتتىڭ ازاماتتارى 15 كۇنگە دەيىن ۆيزالىق تالاپتاردان بوساتىلادى. Baq.kz-ءتىڭ حابارلاۋىنشا، بۇل تۋرالى بۇگىن ورتالىق كوممۋنيكاتسيالار قىزمەتىندە سىرتقى ىستەر ءمينيسترىنىڭ ءبىرىنشى ورىنباسارى، «ەكسپو-2017» حالىقارالىق مامانداندىرىلعان كورمەسىنىڭ كوميسسارى ءراپىل جوشىباەۆ مالىمدەدى.

«سىرتقى ىستەر مينيسترلىگى شەتەلدىك ينۆەستورلاردى قازاقستاندىق جوبالارعا تارتۋ ماقساتىندا كوپتەگەن جۇمىستار ىستەپ جاتىر. سونىڭ بىرەۋى وسى ميگراتسيالىق ماسەلە. ونىڭ ىشىندە ۆيزالىق رەجيمدى الىپ تاستاۋ. ءبىز قازىر اۆستراليا، ۆەنگريا، يتاليا، موناكو، بەلگيا، يسپانيا، نيدەرلاندى، نورۆەگيا، شۆەتسيا، مالايزيا، ءباا، سينگاپۋر، ۇلىبريتانيا، اقش، گەرمانيا، فينليانديا، فرانتسيا، شۆەيتساريا، جاپونيا ەلدەرىنە 2015 جىلدىڭ 16-شىلدەسىنەن 2017 جىلدىڭ 31-جەلتوقسانى ارالىعىندا 15 كۇنگە دەيىن ۆيزالىق تالاپتار الىپ تاستايتىن بولدىق. بۇل قازاقستان رەسپۋبليكاسىنىڭ ۇكىمەتىنىڭ № 483 قاۋلىسىنا سايكەس. جوعارىدا اتالعان 19 مەملەكەتتىڭ ازاماتتارىنا قازاقستان شەكاراسىنان اسقاننان كەيىن 15 كۇن ىشىندە ۆيزاسىز جۇرۋلەرىنە جانە ەلىمىزگە قانشا رەت بولسا دا كىرىپ، نەمەسە شىعۋلارىنا ەشقانداي شەكتەۋ قويىلمايدى. بىراق سول 15 كۇن ىشىندە وللاردىڭ ەلىمىزدىڭ ەڭبەك ەتۋلەرىنە، ميسسيونەرلىك قىزمەتپەن اينالىسۋلارىنا جانە باسقا دا اقىلى جۇمىستارمەن اينالىسۋلارىنا شەكتەۋ قويىلادى، – دەپ مالىمدەگەن ر.جوشىباەۆ.

اباي-اقپارات