بۇگىن استانا قالاسىنداعى عاشىقتار ساياباعىندا سالماعى 746 كەلى بولاتىن الەمدەگى ەڭ ۇلكەن بەسبارماق استانا كۇنىن تويلاۋعا كەلگەن حالىققا تاراتىلىپ، ارتىنشا ۇيىمداستىرۋشىلارعا گيننەستىڭ رەكوردتار كىتابىنىڭ سەرتيفيكاتى تابىس ەتىلدى. بۇل تۋرالى قازاقپارات حابارلادى.

شارانى قازاقستان حالقى اسسامبلەياسى مەن قازاق گەوگرافيا قوعامى «تايقازان» اكتسياسى اياسىندا ۇيىمداستىرعان.

«بۇل تاعامدى دايىنداۋعا شامامەن 500 كەلىدەن استام ەت، 300 كەلىگە جۋىق پياز، 300 كەلى ۇن ساتىپ الىنعان بولاتىن. دەگەنمەن گيننەس رەكوردتار كىتابىنىڭ تالابى ورىندالعاندىقتان، ولاردىڭ بارلىعى قازانعا سالىنعان جوق. ناتيجەسىندە دايىن بولعان ەتتىڭ سالماعى 750 كەلىگە جۋىق بولدى. بۇگىن تۇركيادان ارنايى كەلگەن گيننەس رەكوردتار كىتابىنىڭ وكىلى وسى تاعامدى ولشەپ، رەكوردتار كىتابىنا ەنگىزدى»، - دەپ اتاپ ءوتتى ۇيىمداستىرۋشىلار.

ۇيىمداستىرۋشىلاردىڭ ايتۋىنشا، ەتتى پىسىرۋگە ەلوردانىڭ ءىرى مەيرامحانالارىنان شاقىرىلعان 20 شاقتى باس ازپاز، 20 شاقتى داياشى مەن ەرىكتىلەر قاتىستى.

اباي-اقپارات