قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورىنىڭ

«التىن توبىلعى» سىيلىعىنا وبلىستاردا وتىنىشتەر قابىلداۋ باستالعانى جاريالاندى

بۇگىن استانادا قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورىنىڭ «التىن توبىلعى» («زولوتايا تاۆولگا») سىيلىعىنا وبلىستاردا وتىنىشتەر قابىلداۋ باستالعانى بەلگىلى بولدى. جۇلدە قورىنىڭ جالپى مولشەرى 5,5 ملن تەڭگە.

شاراعا قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورىنىڭ اتقارۋشى ديرەكتورى ساعىندىق نۇراقانوۆ، قازاقستان رەسپۋبليكاسى پارلامەنتى سەناتىنىڭ دەپۋتاتى، قر جازۋشىلار وداعىنىڭ توراعاسى نۇرلان ورازالين، «كازاحستانسكايا پراۆدا» رەسپۋبليكالىق گازەتى» اق باسقارما توراعاسى الەكساندر تاراكوۆ، مەملەكەتتىك ءتىلدى دامىتۋ قورىنىڭ  ديرەكتورى ازات شاۋەەۆ جانە اقىن قالقامان سارين قاتىستى.

«التىن توبىلعى» ادەبي شىعارمالار سىيلىعى - قازاقستاندىق اۆتورلاردىڭ شىعارماشىلىق الەۋەتىن جۇزەگە اسىرۋ ماقساتىندا ازىرلەنگەن جاڭا بۋىننىڭ ومىرلىك فيلوسوفياسىن كورسەتەتىن جوبا.

ۇيىمداستىرۋشىسى ءارى قۇرىلتايشىسى - قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى. جوباعا  قر جازۋشىلار وداعى مەن مەملەكەتتىك ءتىلدى دامىتۋ قورى سەرىكتەس بولىپ وتىر.

«15 جىلدان بەرى پرەزيدەنت قورى قازاقستاننىڭ تالانتتى جاستارى مەن جاس دارىندارعا قولداۋ جاساپ كەلەدى. «التىن توبىلعى» جوباسى قازاقستاندىق تالانتتى جاستاردىڭ جولىن اشىپ، الەمدىك دەڭگەيگە كوتەرەدى دەپ سەنەمىز. سونداي-اق ءبىز مۇنداي ءىس-شارالار جاستاردىڭ مەملەكەتتىك تىلگە قۇرمەتى مەن وقۋعا دەگەن موتيۆاتسياسىن جانە وتاندىق ادەبيەتكە ۇلكەن قىزىعۋشىلىعىن وياتادى دەپ سەنەمىز»، – دەپ اتاپ ءوتتى قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورىنىڭ اتقارۋشى ديرەكتورى ساعىندىق نۇراقانوۆ بريفينگ بارىسىندا.

جوباعا 18 بەن 35 جاس ارالىعىنداعى قازاقستاندىق جاس اۆتورلار قاتىسا الادى. ۇسىنىلاتىن ماتەريالدار بۇرىن ەش جەردە جاريالانباعان بولۋى ءتيىس. 

«التىن توبىلعى» سىيلىعى «ۇزدىك پروزا»، «ۇزدىك پوەزيا»، «ۇزدىك دراماتۋرگيا» جانە «ۇزدىك بالالار ادەبيەتى» دەپ 4 نوميناتسيا بويىنشا بەرىلەدى. جەڭىمپازدارعا 1 ملن. تەڭگەدەن سىياقى بەرىلەدى. سونىمەن قاتار «ماڭگىلىك ەل» تاقىرى بويىنشا جەڭىمپاز اتانعان اۆتور 1,5 ملن تەڭگە اقشالاي سىيلىعى بار ارنايى پرەمياعا يە بولادى. 

قازىلار القاسى قۇرامىنا قازاقستان رەسپۋبليكاسىنىڭ بەلگىلى مادەنيەت قايراتكەرلەرى سونداي-اق ادەبيەت وكىلدەرى مەن جۋرناليستەر ەنىپ وتىر.

«التىن توبىلعى» - بەرەرى مول جوبا بولعالى وتىر. سونىمەن بۇل سىيلىق جاڭادان باستاپ جۇرگەن بۋىنعا كۇش بەرىپ قانا قويماي، قازىرىگى ادەبيەتتى زاماناۋي دەڭگەيگە دەيىن كوتەرۋگە ىقپال ەتەدى.  وسى سەبەپتى قوردىڭ جوباسىنا قۋانا-قۋانا قولداۋ ءبىلدىرىپ وتىرمىن» ، – دەيدى قازاقستان رەسپۋبليكاسى پارلامەنتى سەناتىنىڭ دەپۋتاتى، قر جازۋشىلار وداعىنىڭ توراعاسى نۇرلان ورازالين.

اۆتورلىق جوبالار جانر، ويلاۋ ەرەكشەلىگى، اۆتورلىق كوزقاراس، دايەكتىلىك جانە شىعارماشىلىق قادام سەكىلدى ەرەكشە كريتەريلەر بويىنشا باعالانادى. 

وتىنىشتەر 2015 جىلدىڭ 1 شىلدەسى مەن 1 قاراشاسى ارالىعىندا قابىلدانادى. جەڭىمپازدار 2015 جىلدىڭ جەلتوقسانىندا ماراپاتتالادى.

تولىق اقپاراتتى www.presidentfoundation.kz سايتىنان بىلۋگە بولادى.

ءجيى قويىلاتىن سۇراقتار:

1. نوميناتورلاردىڭ وتىنىشتەرى قانداي ۇلگىدە بولۋى ءتيىس؟

قاتىسۋ تۋرالى ءوتىنىم «التىن توبىلعى» ادەبي شىعارمالار سىيلىعى ءۇشىن دەگەن بەلگىمەن جولدانۋى ءتيىس:

كونۆەرتكە بولەك سالىنادى:

1)    شىعارما، اۆتورىن كورسەتپەي (قۇپيالىلىق شارتتارىن ساقتاۋ ءۇشىن) ءبىر دانامەن قاعازعا شىعارعان نۇسقاسى

2)    اۆتوردىڭ اتى-ءجونى، تۋعان كۇنى، مەكەن-جايى، بايلانىس تەلەفوندارى، e-mail كورسەتىلگەن قوسىمشا كونۆەرت بولۋى ءتيىس.

ءوتىنىش استانا قالاسى، ەڭبەكشىلەر كوشەسى 10,  قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى مەكەن-جايى جانە at2015@fpp.kz. ەلەكتروندى پوشتاسىنا جىبەرىلەدى.

2. بايقاۋعا جىبەرىلەتىن ادەبي شىعارمانىڭ كولەمىنە بايلانىستى شەكتەۋ بار ما؟

قولجازبا ا4 فورماتىندا، Times New Roman قارپىمەن، ءارىپ ولشەمى 14,  جول ارالىعى 1,5 ۇلگىسىندە بولۋى ءتيىس.

قولجازبا كولەمى:

پروزالىق شىعارمالار 35 بەتتەن از ەمەس;

پوەزيالىق شىعارمالار 5 بەتتەن از ەمەس;

درامالىق شىعارمالار – 30 بەتتەن كوپ ەمەس;

بالالارعا ارنالعان شىعارمالار – 25 بەتتەن كوپ ەمەس;

«ماڭگىلىك ەل» تاقىرىبى كەز-كەلگەن جانردا (پروزا، پوەزيا، دراما، بالالارعا ارنالعان شىعارمالار) ت.ب بولا بەرەدى

! جۇمىستاردى ۇيىمداستىرۋشىلارعا جەتكىزىپ بەرۋ، سالتاناتتى ماراپاتتاۋ شارالارىنا قاتىسۋ شىعىندارى اۆتورلاردىڭ ءوز قالتاسىنان تولەنەدى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى - 2000 جىلى قازاقستان پرەزيدەنتى نۇرسۇلتان نازارباەۆ بەكىتكەن كوممەرتسيالىق ەمەس ۇيىم. قور الەۋمەتتىك، قايىرىمدىلىق، مادەني، ءبىلىم بەرۋ جانە باسقا دا الەۋمەتتىك جانە ساياسي جوبالاردى جۇزەگە اسىرادى. 2007 جىلدان باستاپ قور ديرەكتورى داريعا نازارباەۆا بولىپ تابىلادى.

اباي-اقپارات