قازاقستان ماگنيتكاسىنىڭ 55 جىلدىعىنا بايلانىستى «ارسەلورميتتالتەمىرتاۋ» اق مەرەيتويلىق شويىنى قۇيىلدى. 

مەرەيتويلىق شويىن شىعارىلىمىنا دومنا پەشى تسەحىنىڭ باسشىلىعى يگور بەلوۋسا جانە ارداگەر مەتاللۋرگتەر قاتىستى. 

ء«بىز سىزدەردى ءۇشىنشى دومنا پەشىنە بەكەر شاقىرعانىمىز جوق. بۇل ءبىزدىڭ - فلاگمان. جاڭعىرتىلعان پەشتى ءبىز بيىل ىسكە قوسىپ، قازىرگى ۋاقىتتا تاۋلىگىنە 6500 توننا شويىن الامىز»، - دەدى «ارسەلورميتتال تەمىرتاۋ» اق اتقارۋشى ديرەكتورى يۆو حمەليك.

ەسكە سالا كەتەيىك 1960 جىلى 3 شىلدە كۇنى قازاقستان ماگنيتكاسىندا ەلىمىزدىڭ تۇڭعىش شويىنى الىنعان. ءدال وسى كۇنى قاراعاندىداعى مەتاللۋرگيا كومبيناتىندا تۇڭعىش دومنا پەشى ىسكە قوسىلدى. بۇل كۇن قازاقستان ماگنيتكاسىنىڭ دۇنيەگە كەلگەن كۇنى بولىپ سانالادى.
قازاقستان ماگنيتكاسى زاۋىتىنىڭ قۇرىلىسى 1950 جىلى باستالعان ەدى. كولەمى 1513 م3 العاشقى دومنا پەشىن سالۋ 1957 جىلى جەلتوقساندا قولعا الىندى. 1958 جىلى بلكجو XIII-سەزىندە قازاقستان ماگنيتكاسىن سالۋ بۇكىلوداقتىق ەكپىندى كومسومول قۇرىلىسى دەپ جاريالاندى. 1960 جىلى 3 شىلدەدە № 1 دومنا پەشى، تۇڭعىش شويىن قورىتتى، قاراشادا 2 كوكس باتارەياسى پايدالانۋعا بەرىلدى، 30 جەلتوقساندا قازاقستاندىق العاشقى كوكس الىندى. 

كومبيناتتا 1980 جىلدارى 41 مىڭنان اسا ادام ەڭبەك ەتتى. 6 ادام سوتسياليستىك ەڭبەك ەرى اتاعىنا يە بولدى.

تەمىرتاۋداعى بۇل زاۋىت قازىرگى ۋاقىتتا قاراعاندى وبلىسىنىڭ ەلىمىزدىڭ وندىرىستىك لوكوماتيۆى اتانۋىنا ءوزىنىڭ زور ۇلەسىن قوسۋدا.

قازاقپارات