29 ماۋسىمدا ماسكەۋدە رەسەيدەگى قازاقستان ەلشىلىگىندە قازاقستان رەسپۋبليكاسىنىڭ پرەزيدەنتى ن.ءا.نازارباەۆتى «الەمدىك ەكونوميكانىڭ دامۋىنا، تاريحي ماڭىزدى باستامالارى مەن ينتەگراتسيالىق ۇدەرىستەردىڭ قالىپتاسۋى جانە ونى جەتىلدىرۋ سالاسىنداعى جوعارى جەتىستىكتەرى، ەۋرازيا ەكونوميكالىق وداعىنىڭ دامۋى، رەسەي فەدەراتسياسى مەن قازاقستان رەسپۋبليكاسى اراسىنداعى ەكونوميكالىق، عىلىمي، مادەني بايلانىستى نىعايتۋعا قوسقان ۇلەسى جانە بەلسەندى قوعامدىق قىزمەتى ءۇشىن» ەركىن ەكونوميكالىق قوعامداستىقتىڭ (ەەق) ۇلكەن التىن مەدالىمەن ماراپاتتاۋ ءراسىمى ءوتتى.

ناگرادانى تابىس ەتكەن ەركىن ەكونوميكالىق قوعامداستىعىنىڭ باسشىسى، بەلگىلى رەسەيلىك ەكونوميست، ماسكەۋدىڭ العاشقى اكىمى (1991-1992) گاۆريل پوپوۆ ءوز سوزىندە نۇرسۇلتان نازارباەۆ رەسەيدىڭ ەەق ۇلكەن التىن مەدالىمەن ماراپاتتالعان تۇڭعىش شەتەلدىك ازامات ەكەنىن ايتتى.

وسى ناگرادامەن ماراپاتتاۋ  تۋرالى شەشىمدى قابىلداعاندا، ءبىز، بىرىنشىدەن نۇرسۇلتان نازارباەۆتىڭ قازىرگى زامانعى ەكونوميكالىق ۇدەرىستەردىڭ دامۋىنا قوسقان ۇلەسىن ەسەپكە الدىق. نۇرسۇلتان ءابىشۇلى يندۋستريالدى قوعامىنان يندۋستريالدى دامىعان قوعامىنا كوشۋدىڭ پروبلەمالارىن تەوريالىق نەگىزدەمە بەرگەن ءبىرىنشى ءىرى ساياساتكەرلەرىنىڭ قاتارىنا كىرەدى.

ەكىنشىدەن، قازاقستان پرەزيدەنتى دۇنيەجۇزىلىك قوعامداستىق ءبىر ايماقتى ەمەس، كەرىسىنشە ءبىر بىرىمەن بەيبىت ءارى تىعىز بايلانىستا بولعان كوپتەگەن قوعامداستىقتاردان قالىپتاسقانى ءجون دەگەن تۇسىنۋشىلىكتىڭ پايدا بولۋىنا ماڭىزدى ۇلەس قوستى. قازىرگى كەزدە بارلىعىمىز ونىڭ جوباسى بويىنشا قۇرىلعان ەۋرازيا ەكونوميكالىق وداعىنا كۋا بولىپ وتىرمىز.

ءۇشىنشى سەبەبى، ول قازىرگى قوعامدا بولىپ جاتقان ىشكى ۇيىمداستىرۋ ۇدەرىستەرىمەن بايلانىستى بولۋدا. پوپوۆتىڭ ايتۋىنشا، نۇرسۇلتان نازارباەۆ باسىنان باستاپ اۋماقتىق ەرەكشەلەنۋدەن باس تارتىپ، ۇلت ماسەلەسىن شەشۋ جولىندا ۇلتتىق-مادەني اۆتونومياعا باسىمدىق بەرۋگە نەگىزگى كوڭىل بولۋدە. رەسەيدە، يۋگوسلاۆيادا ورىن العان وقيعالاردى زەرتتەي وتىرىپ، جانە قازىرگى – يسپانيا مەن كاتالونياداعى، ۇلىبريتانيا مەن شوتلاندياداعى جاعدايلارعا قاراپ، قازاقستان كوشباسشىسىنىڭ ۇستانىمى دۇرىس بولعانىن كورۋدەمىز.

تورتىنشىدەن، رەسەي جانە قازاقستان اراسىنداعى ىنتىماقتاستىقتى تۇراقتى تۇردە دامۋىنا جانە نىعايۋىنا نۇرسۇلتان نازارباەۆتىڭ جەكە قوسقان ەلەۋلى ۇلەسىن ەرەكشە اتاپ وتكىم كەلەدى، - دەدى رەسەي اكادەميگى.

ءوز كەزەگىندە، مەدالدى قابىلداعان قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى مارات ءتاجين گ.پوپوۆقا قر پرەزيدەنتىنىڭ ەكونوميكا عىلىمداعى قىزمەتىنە جوعارى باعا بەرگەنى ءۇشىن العىسىن ايتتى.  - بۇگىنگى ماراپات جاي قۇرمەت كورسەتۋ عانا ەمەس، بۇل ن.ءا.نازارباەۆتىڭ ەۋرازيالىق ديالوگىڭ نىعايۋىنا، رەسەيمەن تاتۋ كورشىلەس قاتىناستاردىڭ دامۋىنا قوسقان اسا زور عىلىمي جانە تاجىريبەلىك ۇلەسىن مويىنداۋ بەلگىسى بولىپ ەسەپتەلەدى، - دەدى ەلشى.   

ماراپاتتاۋ ءراسىمى سوڭىندا مارات ءتاجين ەەق وكىلدەرىن بيىلعى جىلى قوعامداستىقتىڭ 250-جىلدىعىمەن قۇتتىقتاپ ءوتتى.

سالتاناتتى ءىس-شاراعا رەسەيدەگى قازاقستان ەلشىلىگىنىڭ قىزمەتكەرلەرى مەن باق وكىلدەرى دە قاتىستى.

رەسەيدەگى قازاقستان ەلشىلىگىنىڭ ءباسپاسوز-قىزمەتى

Abai.kz