كەز – كەلگەن مەملەكەتتىڭ بولاشاقتا قانداي بولاتىنى، ونىڭ وركەندەۋى، دامۋى تىكەلەي بۇگىنگى قوعامنىڭ جاس ۇرپاعىنا بايلانىستى. ەرتەڭى مەن بولاشاعىنا سەنىمدى ەل عانا مۇراتىنا جەتەتىنىن دانا حالقىمىز ءدوپ باسىپ ايتقان. سەبەبى، جاستار قوعامدى العا سۇيرەۋشى كۇش! جاستار – ەل بولاشاعى!
ەلىمىزدىڭ ەرتەڭىنە تىرەك، ىرگەسىنە سۇيەۋ بولاتىن جاستارىمىزدىڭ كەلەشەگى جارقىن ەكەندىگىن تاۋەلسىز مەملەكەتىمىزدىڭ كۇن سايىن قارقىندى دامىپ، وركەندەۋىنەن بايقاۋعا بولادى.

جارقىن بولاشاقتىڭ تىزگىنىن ۇستاۋشى جاستارعا قولداۋ كورسەتۋ- مەملەكەتىمىزدىڭ باستى نازارىندا. وسى تۇستا 2004 جىلى قازاقستان رەسپۋبليكاسىنىڭ «مەملەكەتتىك جاستار ساياساتى تۋرالى» زاڭى  قابىلداندى. بۇل زاڭنىڭ اياسىندا جاستارىمىزعا الەۋەمەتتىك، مادەني – رۋحاني قولداۋلار كورسەتىلىپ، ءار ءتۇرلى مەملەكەتتىك باعدارلامالار ىسكە اسىرىلۋدا. 
سونداي-اق، جاستاردىڭ ازاماتتىق وركەندەۋى مەن الەۋمەتتىك ءوزىن-ءوزى قالىپتاستىرۋى ءۇشىن قۇقىقتىق، ەكونوميكالىق، ۇيىمداستىرۋشىلىق جاعىنان جاعدايلار جاساۋ جانە ولاردى نىعايتۋ باستى ماقسات بولىپ تابىلادى. 
سوندىقتان، ۇلت كوشباسشىسى ن.ءا.نازارباەۆتىڭ «بولاشاقتىڭ ىرگەسىن بىرگە قالايمىز» اتتى جولداۋىنا ءۇن كوسا وتىرىپ، تاۋەلسىزدىكتىڭ 20 جىلدىعى 
شارالارى اياسىندا اۋدان جاستارىنىڭ فورۋمىن وتكىزۋدەگى ماقسات- وسى ۇلى ىستەردىڭ قارساڭىندا جاستاردىڭ قوعامىمىزدىڭ دامۋى مەن قالىپتاسۋىنداعى ورنى مەن ءرولىن ايقىنداۋعا ىقپال جاساپ، باعىت-باعدار سىلتەۋ.
ءبىر كەزدە ەكونوميكاسى مەن الەۋمەتتىك جاعدايى ارتتا قالعان اۋدان رەتىندە سانالاتىن سوزاق- بۇل كۇندە اۋىل شارۋاشىلىعىمەن ونەركاسىبى قاتار دامىعان رەسپۋبليكامىزعا بەلگىلى الدىڭعى قاتارلى اۋدانداردىڭ ءبىرى.
ال، وتكەن تاريحىمىزعا كوز جۇگىرتسەك، بۇل ولكە-قازاق حاندىعىنىڭ القاشقى تۋىن تىككەن قازاقتىڭ كيەلى مەكەنى.
دەمەك، جاسامپاز ەلىمىزدىڭ 20 جىلدىق شەجىرەسىنەن ايشىقتى ورىن الاتىن سوزاق اۋدانىندا تۋىپ-وسكەن جاستاردىڭ تاۋەلسىز وتانىمىزدىڭ دامۋىمەن وركەندەۋىنە قوسار ۇلەسىدە قوماقتى بولۋى شارت.
وسىعاي وراي، اۋدان اكىمدىگى جانىنداعى جاستار ءىسى جونىندەگى كوميسسيانىڭ قاراۋىمەن «اۋداننان شىققان 20 ۇزدىك جاس» ايدارى بويىنشا وسى جيناققا ءتۇرلى سالالاردا كوزگە ءتۇسىپ، ايتۋلى جەتىستىكتەرگە جەتكەن جاستاردىڭ مالىمەتتەرى ەنگىزىلىپ وتىر.ونداعى ماقسات- جاستاردى دارىپتەۋ، قول جەتكەن جەتىستىكتەرىن ودان ءارى دامىتۋعا شابىت بەرۋ، جاقسى جەتىتىكتەرىن وزگە زامانداستانىنا ونەگە ەتىپ تاراتۋ!
ارينە، ءبىرجان جاقىپوۆ، احات كەنجەباەۆ سىندى جاستارىمىز اۋداننان اسىپ، رەسپۋبليكانىڭ اتىن شىعارىپ جۇرگەن، ەسىمى التى الاشقا بەلگىلى ازاماتتار. ولاردىڭ جەتىستىگى بۇكىل ەلىمىزدىڭ ماقتانىشىنا اينالعان!
ولار بۇگىنگى جاستاردىڭ كوشباسشىسى، بيىك مۇراتى! 
سوندىقتان دا، جيناققا ەنگەن 14-29 جاس ارالىعىنداعى اۋداننان شىققان تاڭداۋلى دا تالانتتى جاستار وسىنداي اعالارىمەن قۇرداستارىنىڭ بارىنا ماقتانا دا، ماساتتانا جۇرەدى دەگەن سەنىمدەمىز!

سوزاق اۋداندىق ىشكى ساياسات ءبولىمى