جاقىندا پاۆلودار وبلىستىق مادەنيەت دەپارتامەنتىنىڭ باستىعى ايىم قانافينا جۋرناليستەرمەن كەزدەسۋ وتكىزىپ، باسشىلىق بيلىكتە ۇزاق وتىرۋىنىڭ سىرىن اشتى. قانافينا حانىم ايماقتىڭ مادەنيەتىن قولعا العان 11 جىل ىشىندە وبلىستا ءۇش اكىم اۋىستى. ءتورتىنشى اكىم باقىتجان ساعىنتاەۆ كۇزدە ءبىراز اۋىس-ءتۇيىس جاساعانىمەن مادەنيەت دەپارتامەنتىنىڭ باستىعىنا تيىسپەدى. سوعان قاراعاندا سالا باسشىسىنىڭ «جۇمىسى» كوڭىلىنەن شىققان بولۋى كەرەك.
- بيلىك تىزگىنىن وسىنشا ۋاقىت قولدان شىعارماي ۇستاپ تۇرۋىڭىزدىڭ قۇپياسى نەدە؟ دەپ سۇراق قويعان تىلشىگە ول:

جاقىندا پاۆلودار وبلىستىق مادەنيەت دەپارتامەنتىنىڭ باستىعى ايىم قانافينا جۋرناليستەرمەن كەزدەسۋ وتكىزىپ، باسشىلىق بيلىكتە ۇزاق وتىرۋىنىڭ سىرىن اشتى. قانافينا حانىم ايماقتىڭ مادەنيەتىن قولعا العان 11 جىل ىشىندە وبلىستا ءۇش اكىم اۋىستى. ءتورتىنشى اكىم باقىتجان ساعىنتاەۆ كۇزدە ءبىراز اۋىس-ءتۇيىس جاساعانىمەن مادەنيەت دەپارتامەنتىنىڭ باستىعىنا تيىسپەدى. سوعان قاراعاندا سالا باسشىسىنىڭ «جۇمىسى» كوڭىلىنەن شىققان بولۋى كەرەك.
- بيلىك تىزگىنىن وسىنشا ۋاقىت قولدان شىعارماي ۇستاپ تۇرۋىڭىزدىڭ قۇپياسى نەدە؟ دەپ سۇراق قويعان تىلشىگە ول:
- مەنىڭ ادەمىلىگىمنىڭ اسەرى بولعان شىعار! – دەپ جاۋاپ بەردى. ايىم مۇكارامقىزى ءوزى تۋرالى استە  ارتىق ايتىپ وتىرڭان جوق. سەبەبى، پاۆلودارداعى مادەنيەت سالاسى سوڭعى ونشاقتى جىلدا وڭدىرىپ ءىس تىندىرعان ەمەس. اتى بار دا زاتى جوق، يسا بايزاقوۆ اتىنداعى وبلىستىق فيلارمونيانى كەرەكۋلىك جۋرناليستەر «جىرلاپ-جىرلاپ» شارشادى. عيماراتى بۇرىڭعى اكىمدەردىڭ ءبىرىنىڭ مەنشىگىنە ءوتىپ كەتكەن. اتى بار دەيتىنىمىز فيلارمونيا قۇجات جۇزىندە بار. بىراق ومىردە جوق. پاۆلودار قالاسىنداعى مادەنيەت ۇيىنە، كۇللى رەسپۋبليكاعا كەۋدە قاعىپ، الماتى مەن استانادا جوق الەمدەگى ەڭ قىمبات «ستەينۆەي» ماركالى ەكى رويالدى 32 ميلليون تەڭگەگە ساتىپ الدى. 2006 جىلى الىنعان كۇيساندىقتار شاڭ باسىپ توزىپ بارادى. الىسقا بارماي-اق سوڭعى بىرنەشە وقيعانى ەسكە تۇسىرەيىك. ايماۋىتوۆ اتىنداعى وبلىستىق قازاق-مۋزىكالى دراما تەاترى ءساۋىر ايىندا تۇركيا ەلىندە وتەتىن تۇركى تىلدەس حالىقتاردىڭ تەاتر فەستيۆالىنە جولداما الدى. 20 ەلدىڭ ارتىستەرى ونەر كورسەتەتىن فەستيۆالدا قازاقستان تەاترلارىنىڭ ىشىندە ىرىكتەۋدەن تەك پاۆلودار تەاترىنىڭ ءوتۋى ۇلكەن جەتىستىك. كەرەكۋلىكتەر كونيا قالاسىندا م.اۋەزوۆتىڭ «ايمان-شولپان» پەساسىن قويدى. ۇيىمداستىرۋشىلار جاتار ورىن مەن ىشەر تاماقتى مويىندارىنا العانىمەن جول قاراجاتىن تەاتر ءوزى كوتەرۋ كەرەك ەكەن. ال، بيلەت الۋعا تەاتردىڭ شاماسى جەتپەيدى، قالتاسى تاياز. ونىڭ ۇستىنە 90-جىلداردىڭ باسىندا العاش تەاتر قۇرىلعاندا شىمىلدىعى وسى «ايمان-شولپانمەن» اشىلعان. دەمەك كيىمدەرى ەسكىرگەن. جاڭا كوستيۋم تاعى كەرەك.
- دەپارتامەنت باسشىسىنا جاعدايدى ايتىپ بارعانىمدا «اقشانى وزدەرىڭ تابىڭدار!» دەپ شىعارىپ سالدى. ال ءبىزدىڭ جارنامالاردى كونيا قالاسىندا الدەقاشان ءىلىپ قويعان، بارماساق بولمايدى. اقىرى اكىمگە شاعىنۋعا ءماجبۇر بولدىق، - دەيدى ج.ايماۋىتوۆ اتىنداعى پاۆلودار وبلىستىق قازاق-مۋزىكالى دراما تەاترىنىڭ باس رەجيسسەرى، مەملەكەتتىك سىيلىقتىڭ يەگەرى ەرسايىن تاپەنوۆ. تەك اكىمنىڭ تاپسىرماسىنان كەيىن عانا مادەنيەت دەپارتامەنتى جولعا قارجى تاپقان.
رەسپۋبليكالىق جارىستاردى بىلاي قويعاندا كوپتەگەن حالىقارالىق سايىستاردا جەڭىمپاز بولىپ، «التىن داۋىستى بالا» اتانعان پاۆلودارلىق 11 جاسار باۋىرجان جەكسەناەۆ وبلىستىق مادەنيەت دەپارتامەنتى باسشىسىنىڭ كەسىرىنەن كەرەكۋدە ساحناعا شىعا الماي ءجۇر. باۋىرجاننىڭ اجەسى التىن ءمۇرسالينوۆانىڭ ايتۋىنشا يسپانيادا وتكەن بالالار فەستيۆالىنە شاقىرتۋ العان باۋىرجاندى جىبەرمەك بولىپ مادەنيەت دەپارتامەنتىنەن اقشا سۇراعاندا ا.قانافينا سىرت قاراعان. اقىرى التىن اجەي پاتەرىن جارتى ميلليون تەڭگەگە كەپىلگە قويىپ نەمەرەسىن يسپانياعا جىبەردى. باۋىرجان ول سايىستان I دارەجەلى لاۋرەات اتاعىن جەڭىپ الدى.
- وسى جاعدايدى جەرگىلىكتى باق وكىلدەرى جاريا ەتكەننەن كەيىن مادەنيەت دەپارتامەنتىنىڭ باسشىسى بالامدى ساحناعا شىعارماي قويدى دەيدى التىن ءمۇرسالينوۆا. تاعى ءبىر تالانتتى سكريپاشى جەتكىنشەك ءمادينا اداموۆا يتالياعا بارىپ ءبىرىنشى جۇلدەنى الىپ كەلدى. وعان دا قاراجاتتى اتا-اناسى ءوز قالتالارىنان شىعارعان. ويتكەنى مادەنيەت دەپارتامەنتى مادەنيەتتى قولداۋعا كەلگەندە اۋىزدارىن قۇر شوپپەن سۇرتەدى. ال، شەت ەلدىڭ شولان-شوشىراق قايداعى ءبىر انشىسىماق بىرەۋلەرى كەلە قالسا، وندايلارعا جىرتىلىپ ايىرىلادى. مىنە وسىنداي «يگى ىستەردى» اتقارىپ جاتقان پاۆلودار وبلىستىق مادەنيەت دەپارتامەنتىنىڭ باستىعى ا.قانافينا تەك كورىكتىلىگىنىڭ ارقاسىندا اكىمدەرگە جاعىپ، سالانى 11 جىلدان بەرى باسقارىپ كەلەدى. ونىڭ بيلىكتە «ءبىراز» وتىرۋىن اركىم ءار ساققا جۇگىرتەدى. قايسىبىرەۋلەر ونىڭ «انا جاقتا» قولداۋشىسى بار دەپ جوعارىعا ساۋساق شوشايتادى، ال قانافينا حانىم بۇل سيقىرلىققا «سۇلۋلىعىم» سەبەپكەر دەيدى.    

ەسەنبەك ساناتۇلى
پاۆلودار وبلىسى