بۇگىن شىمكەنتتە «وقو-داعى ايەل جانە بيزنەس» اتتى ءى وڭىرالىق فورۋم ءوتتى. فورۋمعا قاتىسۋشىلار ايەلدەر اراسىنداعى كاسiپكەرلiكتi دامىتۋ جولدارى مەن مەملەكەتتىك جانە قارجى ينستيتۋتتارى تاراپىنان كورسەتىلىپ جاتقان قولداۋلاردى تالقىلادى. جانە دە قارجىلاي ساۋاتتىلىق پەن كاسىپكەرلىكتى دامىتۋ باعىتىنداعى سۇراقتاردى قارادى. جيىنعا قاتىسقان وبلىس اكىمىنىڭ ورىنباسارى ە.ايتاحانوۆ ستراتەگيالىق مەملەكەتتىك باعدارلامالاردى ىسكە اسىرۋدا ەلدىڭ ەكونوميكالىق ومىرىنە ايەلدەردىڭ ەتەنە ارالاسۋىنىڭ ماڭىزدىلىعىن اتاپ ءوتتى. فورۋم - ايەل كاسىپكەرلىگىن مەملەكەتتىك قولداۋ ماسەلەلەرىن تالقىلايتىن ينتەراكتيۆتى الاڭ بولىپ تابىلادى. شاراعا وڭتۇستىك قازاقستان وبلىسىنىڭ كاسىپكەرلەر پالاتاسى مەن كاسىپكەرلەر پالاتاسىنىڭ ايماقتىق وكىلدەرى، ىسكەر ايەلدەر كەڭەسى قاتىستى. ءىس-شارا قورىتىندىسى بويىنشا وقو اكىمدىگى مەن وقو كپ ىسكەر ايەلدەر كەڭەسىنىڭ اراسىندا ىنتىماقتاستىق تۋرالى كەلىسىمگە قول قويىلدى. سونداي-اق، فورۋمعا قاتىسۋشىلار 3 جەلتوقسان كۇنى شىمكەنت قالاسىنىڭ يندۋستريالدى ايماعىندا بولىپ، بيزنەس-يدەيالار مەن وڭتۇستىك قازاقستان وبلىسىنىڭ ينۆەستيتسيالىق مۇمكىندىكتەرىمەن تانىسپاق. بۇگىندە ايماقتا مىڭداعان جۇمىس ورنى اشىلعان 10-نان استام ينۆەست جوبالار جۇزەگە اسىرىلىپ جاتىر. وندىرىستەگى ينفراقۇرىلىم «بيزنەستىڭ جول كارتاسى -2020» مەملەكەتتىك باعدارلاماسى شەڭبەرىندە سالىنىپ، ونداعى بىرقاتار جوبالار يندۋستريالاندىرۋ كارتاسىنا ەنگەن. قازىرگى تاڭدا، ورتاشا ەسەپپەن العاندا ەلدەگى شاعىن جانە ورتا بيزنەس سۋبەكتىلەرىنىڭ 41%-ىن نازىك جاندىلار قۇرايدى. ىسكەر ايەلدەر 2014 جىلى 794,5 مىڭ ازاماتتى جۇمىسپەن قامتىعان. قازاقستاندا ايەل كاسىپكەرلەردىڭ جۇمىسىن دامىتۋ ماقساتىندا ارنايى مەملەكەتتىك باعدارلامالار جۇمىس ىستەيدى. ماسەلەن، وسى جۇمىستاردى جۇزەگە اسىرۋدا 2015 جىلى «اتامەكەن» ۇكپ جانىنان ىسكەر ايەلدەر كەڭەسى قۇرىلعان.

وقو اكىمىنىڭ ءباسپاسوز قىزمەتى