شىمكەنت قالاسى اكىمدىگىنىڭ ءماجىلىس زالىندا تۇڭعىش پرەزيدەنت كۇنىنە ارنالعان سالتاناتتى شارا ءوتتى. مەرەكەلىك جيىندى قالا اكىمى عابيدوللا ءابدىراحىموۆ اشىپ، سالا قىزمەتكەرلەرىن مەرەيلى مەيرامىمەن قۇتتىقتادى.
- «بۇل مەرەكەنىڭ ماڭىزى وتە جوعارى. سەبەبى، ەلىمىزدى قيىن-قىستاۋ كەزەڭنەن الىپ شىققان نۇرسۇلتان ءابىشۇلى نازارباەۆتاي ۇلت كوشباسشىسىنىڭ ەڭبەگى ەرەن. ونى وسكەلەڭ ۇرپاققا كەڭىنەن ءناسيحاتتاۋىمىز كەرەك»، — دەدى عابيدوللا راحماتوللاۇلى.
اتالمىش مەرەكەگە وراي حالىق قالاۋلىلارى، اكىمدىك قىزمەتكەرلەرى، قالا تۇرعىندارى جينالعان جيىنادا شاھار باسشىسى ءوڭىردىڭ دامۋىنا، قالانىڭ كوركەيىپ-گۇلدەنۋىنە ۇلەس قوسقان بىرقاتار ازاماتتاردى ماراپاتتادى. ايتا كەتەرلىگى، مەرەكەلىك شارادا شاھار باسشىسىنىڭ قولداۋىمەن العاش رەت ۇيىمداستىرىلعان فۋتبولدان «قالا اكىمدىگى كۋبوگىنىڭ» جەڭىمپازدارىنا ارنايى كۋبوك تابىستالىپ، ۇيىمداستىرۋشىلار قالا اكىمى عابيدوللا ابدىراحىموۆقا فۋتبول دوبىن سىيعا تارتتى.
ارنايى شارادا پرەزيدەنتىمىز ن.نازارباەۆ تۋرالى دەرەكتى فيلم كورسەتىلىپ، كونتسەرتتىك باعدارلاما ۇيىمداستىرىلدى. ءوز كەزەگىندە، قالا باسشىسى ەلباسىمىزدىڭ تاپسىرماسى بويىنشا ءۇشىنشى قالانىڭ دامۋىنا بار كۇش-جىگەرىن جۇمسايتىندىعىن جەتكىزدى.

Abai.kz