«وتكرىتوە وبششەستۆو» قورى رەسەي باس پروكۋراتۋراتۋراسى تاققان «قور رەسەيدىڭ ۇلتتىق قاۋىپسىزدىگىنە جانە كونستيتۋتسيالىق قۇرىلىمىنا قاۋىپ توندىرەدى» دەگەن ايىپتى جوققا شىعارادى.

قور تاراتقان مالىمدەمەدە «​رەسەي پروكۋراتۋراسىنىڭ ايىپتاۋلارىنا قاراماستان، قور شيرەك عاسىر ۋاقىت بويى رەسەيدە زاڭ ۇستەمدىگىنىڭ ورناتۋ مەن ازاماتتار قۇقىعىن قورعاۋ جولىندا ەڭبەك ەتتى»​دەپ جازىلعان.

مالىمدەمەسىندە قور «1987 جىلدان بەرى رەسەيدىڭ 33 ۋنيۆەرسيتەتىندە ينتەرنەت ورتالىقتارىن اشقانىن، ستۋدەنتتەر مەن عالىمدارعا ءتۇرلى كومەك كورسەتكەنىن، قازىرگى زامان ونەرى ورتالىقتارىن قۇرعانىن» ەسكە سالادى.

30 قاراشا كۇنى رەسەيدىڭ باس پروكۋراتۋراسى دجوردج سوروس قۇرعان رەسەيدەگى «وتكرىتوە وبششەستۆو»​ (اشىق قوعام) جانە «سودەيستۆيە»​ (جاردەم) قورلارىن «جاعىمسىز ۇيىم»​ دەپ تانىعان. رەسەي پروكۋراتۋراسىنىڭ بۇل شەشىمى «​فەدەراتسيا كەڭەسى، ىشكى ىستەر مينيسترلىگى، ادىلەت مينيسترلىگى ءوتىنىشى نەگىزىندەگى تەكسەرىستەردەن»​ كەيىن قابىلدانعان. 

«جاعىمسىز ۇيىمدار» تۋرالى زاڭ رەسەيدە 2015 جىلدىڭ مامىر ايىندا قابىلدانعان. ول بويىنشا، «رەسەيدىڭ ۇلتتىق قاۋىپسىزدىگىنە جانە كونستيتۋتسيالىق قۇرىلىمىنا قاۋىپ توندىرەدى» دەپ تانىلعان كەز كەلگەن شەتەلدىك نەمەسە حالىقارالىق ۇيىم جابىلۋى مۇمكىن. 

اباي-اقپارات