1 جەلتوقسان - قر تۇڭعىش پرەزيدەنتى كۇنىن وڭتۇستىك قازاقستان وبلىسىنىڭ تۇرعىندارى ايرىقشا اتاپ وتۋدە. مەرەكە قارساڭىندا وبلىستاعى اۋدان، قالالاردا جالپى سانى 13 الەۋمەتتىك نىسان اشىلىپ، ەل يگىلىگىنە تاپسىرىلدى. بۇل تۋرالى abai.kz پورتالى حابارلايدى.

ماسەلەن، تۇلكىباس اۋدانىندا 4 الەۋمەتتىك جانە كاسىپكەرلىك نىسانى بوي كوتەرىپ، پايدالانۋعا بەرىلدى.  ەلباسىنىڭ  2020 جىلعا دەيىن بالالاردى بالاباقشامەن 100 پايىز قامتاماسىز ەتۋ جوسپارىنا سايكەس، اۋدانداعى ىنتىماق اۋىلىندا 100  ورىندىق بالاباقشا ەل يگىلىگى ءۇشىن جۇمىسىن باستادى. الەۋمەتتىك نىسان «بالاپان» باعدارلاماسى اياسىندا مەملەكەت پەن جەكەمەنشىك ارىپتەستىگى نەگىزىندە ىسكە قوسىلدى. ايتا وتكەن ءجون، 2 مىڭنان استام حالقى بار ەلدىمەكەندە بۇعان دەيىن بالاباقشا بولماعان. سونداي-اق، مەرەكە اياسىندا تۇلكىباستاعى كۇمىسباستاۋ ەلدى مەكەنى مەن م.جارىمبەتوۆ اۋىلىندا زامان تالابىنا ساي قۇرال-جابدىقتارمەن قامتاماسىز ەتىلگەن مەديتسينالىق بەكەت پەن فەلدشەرلىك اكۋشەرلىك تىرەك پۋنكتى اشىلدى. بۇل اۋداندا جالپى 53 مەديتسينالىق مەكەمە حالىققا قىزمەت كورسەتەدى. سونىمەن قاتار، جەرگىلىكتى جەردە وتاندىق ءونىمدى دامىتۋ، كاسىپكەرلەرگە قولداۋ كورسەتۋ، حالىقتى جۇمىسپەن قامتۋ باعىتى اياسىندا ازاتتىق اۋىلىندا مينەرالدى ەمدىك-ساۋىقتىرۋ اس سۋىن وندىرەتىن «كريستال-سۋ» جشس-ءى ىسكە قوسىلدى. جىلىنا 10 مىڭ توننا ءونىم وندىرەتىن تسەحتا سۋسىننىڭ 6 ءتۇرى شىعارىلادى.

تۇڭعىش پرەزيدەنت كۇنى قارساڭىندا سارىاعاشتا اپاتتى مەكتەپتەردىڭ سانى بىرەۋگە ازايدى. ياعني اۋدانداعى تەگىسشىل ەلدى مەكەنىندە اشىلعان 300 ورىندىق №34 ش.ءۋاليحانوۆ اتىنداعى ورتا مەكتەپ جاڭادان اشىلدى.

سونىمەن قاتار، ورداباسى اۋدانىنىڭ ەكى اۋىلىنىڭ تۇرعىندارى دا قۋانىشقا كەنەلدى. ونداعى اقسارى اۋىلىنداعى «اقسارى» باستاۋىش مەكتەبى مەن جاڭا تۇرمىس ەلدى مەكەنىندەگى «جامبىل» باستاۋىش مەكتەپتەرى جاڭا عيماراتقا قونىس اۋداردى. جالپى، جىل باسىنان بەرى ورداباسىدا 4 باستاۋىش مەكتەپكە عيمارات ساتىپ الىنىپ، جاڭا قونىسقا جايعاسىپ وتىر. ول ءۇشىن اۋداندىق بيۋدجەتتەن ءاربىر ءبىلىم مەكەمەسىنە 13 ميلليون تەڭگەدەن قارالعان.

سوزاق اۋدانىندا دا جاڭا نىسان بوي كوتەردى. اۋدانداعى تاستى اۋىلىنان اشىلعان 50 ورىندىق بالاباقشاعا «كاتكو» قازاق-فرانتسۋز بىرىككەن كاسىپورنى جشس-ءى دەمەۋشىلىك ەتكەن.

وسى كۇندەرى تولەبيلىكتەر دە مەكتەپكە دەيىنگى مەكەمەلەرمەن تولىقتى. اۋدانداعى اققۇم ەلدى مەكەنىندە 80 بۇلدىرشىنگە شاقتالعان «اقجۇلدىز»، زەرتاس اۋىلىندا 100 بالاعا ارنالعان «اقبوتا بوبەكجاي» بالاباقشاسى ەسىگىن ايقارا اشتى. سونداي-اق، مەرەكەنى تويلاۋ بارىسىندا تولەبيدەگى جامبىل جانە قاراتوبە اۋىلدارىنداعى مادەنيەت ۇيلەرى اعىمداعى جوندەۋدەن ءوتىپ، اۋدان تۇرعىندارىنا قولدانىسقا بەرىلدى. ىرگەتاسى 50-60 جىل بۇرىن قالانعان ونەر شاڭىراقتارى اۋداندىق بيۋدجەت ەسەبىنەن جوندەلىپ وتىر.

سونداي-اق، قازىعۇرت اۋدانىندا ارداگەرلەر ءۇيىنىڭ لەنتاسى قيىلدى. اۋداندىق مادەنيەت سارايىنا قاراستى عيماراتتى كۇردەلى جوندەۋدەن وتكىزىپ، قاريالاردىڭ يگىلىگىنە بەرىلگەن نىسان ارداگەرلەر بولمەسى مەن دەمالىس بولمەسى جانە ايەلدەر كەڭەسىنىڭ بولمەلەرىنەن تۇرادى.

وڭتۇستىك قازاقستاندا قر تۇڭعىش پرەزيدەنتى كۇنىنە وراي، «الەم مويىنداعان كوشباسشى»، «ەلباسى وقىعان كىتاپتار»، «مەنىڭ ەلىم – مەنىڭ پرەزيدەنتىم»، «ەلباسى جانە وڭتۇستىك» ت.ب. تاقىرىپتاردا ءتۇرلى مادەني ءىس-شارالار مەن كەزدەسۋلەر، فوتو كورمەلەر جانە سپورتتىق جارىستار وتكىزىلۋدە. 

وقو اكىمىنىڭ ءباسپاسوز قىزمەتى