قازاق ادەبيەتتانۋ عىلىمى ءۇشىن دە ، تۇلعاتانۋ سالاسى ءۇشىن دە قۋانىشتى حابار ايتپاقشىمىز. استاناداعى ساكەن سەيفۋللين مۋزەيىنىڭ  ۇجىمى قۇراستىرىپ، ازىرلەۋىمەن  «فوليانت» باسپاسىنان «سىرساندىق»  اتتى كىتاپ شىقتى. بۇل – مۋزەيدىڭ جىل سايىن شىعارىپ تۇراتىن كىتابىنىڭ العاشقى شىعارىلىمى. «سىرساندىق» ەكى بولىمنەن باس قۇراعان: ءبىرى – «ساكەندى كورگەندەردىڭ كوزىمەن»، ەكىنشىسى – «ساكەننىڭ سالعان ىزىمەن». 32 باسپا تاباقتىق جيناققا ازامات اقىننىڭ ءومىرى مەن شىعارماشىلىعىنا قاتىستى ءوزىنىڭ تۇستاستارى، كوزكورگەن زامانداستارى مەن تۋعان-تۋىستارىنىڭ  تارتىمدى ەستەلىكتەرى جانە ساكەنتانۋشى-عالىمداردىڭ زەرتتەۋ ماقالالارى توپتاستىرىلعان. كوپتەگەن ەستەلىكتەر بۇرىن-سوڭدى باسپا بەتىندە جارىق كورمەگەن. بۇل كىتاپ جاريالانباعانىمەن قۇندى بولماق.  ساكەندى تولىق تانىپ-بىلەمىن دەگەن جاس ۇرپاققا بۇل ەڭبەكتىڭ بەرەرى مول.

«جاقسى كىتاپ – جان ازىعى» دەمەكشى، جاڭا كىتاپتى تەك وقۋ كەرەك. وزدەرىڭىز بىلەسىزدەر، ۇلت قايراتكەرى ساكەن سەيفۋلليننىڭ ءومىر جولىنا، شىعارماشىلىعىنا قاتىستى ءالى دە بولسا ايتىلماعان، جازىلماعان دەرەكتەر جەتەرلىك. ال، استاناداعى ساكەن سەيفۋلليننىڭ قۇرمەتىنە اشىلعان مۋزەي – اقىننىڭ قوعامدىق-مادەني، ادەبي جولىنا قاتىستى تىڭ دۇنيەلەردى مۇراعاتتان تاۋىپ، ەكشەلەپ، تارازىلاپ، كوزى قىراقتى، زەردەلى وقىرمانعا «سۇيىنشىلەپ» جەتكىزىپ وتىرعان عىلىمي-مادەني مەكەمە ەمەس پە؟!

جاڭا كىتاپتى وقىڭىز، كوڭىل-زەردەڭىزگە ءتۇيىڭىز! الداعى كۇندەرى كىتاپتىڭ سالتاناتتى تۇساۋكەسەر ءراسىمى وتپەكشى، ەندەشە، بەتاشار تويدا جولىعىپ، جاڭا كىتاپتىڭ قۋانىشىن بىرگە بولىسەيىك...

ەلدوس توقتارباي،

ادەبيەتتانۋشى

اباي-اقپارات