شىمكەنت قالالىق مۇراعاتىنىڭ جاڭا عيماراتى اشىلدى

شىمكەنتتە قالالىق مۇراعاتى عيماراتىنىڭ اشىلۋ سالتاناتتى ءوتتى.

مەرەكەلىك شاراعا وبلىس اكىمىنىڭ ورىنباسارى ساكەن قانىبەكوۆ پەن وبلىستىق ءماسليحاتتىڭ حاتشىسى ەرجان قۇدايبەرگەن قاتىستى. ءنۇرسات شاعىن اۋدانىنان ورىن تەپكەن جاڭا عيماراتتىڭ قۇرىلىسىنا وبلىستىق بيۋدجەتتەن 525 ميلليون تەڭگە قاراجات بولىنگەن. 
زاماناۋي ۇلگىدە تۇرعىزىلعان عيماراتتىڭ جالپى قورىندا 100 مىڭعا جۋىق جەكە قۇجات ساقتالعان. جالپى سىيىمدىلىعى 500 مىڭ ساقتاۋ بىرلىگىنە ارنالعان جاڭا مۇراعات قويماسىنا تاعى دا 400 مىڭ قۇجات سيادى. 

شىمكەنت قالالىق مۇراعات مەكەمەسى 1992 جىلى قۇرىلعان. مۇراعاتتىڭ العاشقى قۇرىلعان جىلدارىندا قاجەتتى قۇرال جابدىقتار مەن قۇجات ساقتايتىن قويما، مامان جەتىسپەۋشىلىگى سياقتى قيىنشىلىقتار بولدى. قازىرگى تاڭدا وبلىستاعى نىسانداردا بارلىق جاعداي جاسالعان.

شىمكەنتتە ەلەكتر ترانسفورماتورلارىن شىعاراتىن زاۋىت سالىنادى

شىمكەنت قالاسىندا كەرنەۋى 220 جانە 500 كۆ بولاتىن ەلەكتر ترانسفورماتورلارىن شىعاراتىن زاۋىت سالىناتىن بولادى.

بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ماجىلىسىندە «Alageum Electric» اق ديرەكتورلار كەڭەسىنىڭ توراعاسى ەركەبۇلان ءىلياسوۆ ايتتى.

- ورتا بيزنەستەگى كوشباسشى كومپانيالاردى قولداۋ ءۇشىن «ۇلت چەمپيوندارى» سەكىلدى باعدارلامانى ىسكە قوسۋ بويىنشا قر پرەزيدەنتى نۇرسۇلتان نازارباەۆتىڭ باستاماسىنىڭ ارقاسىندا كوپتەگەن كومپانيالار مەملەكەت تاراپىنان ەلەۋلى قولداۋ الدى. ماسەلەن، ءبىز وسى باعدارلاما شەڭبەرىندە شىمكەنت قالاسىندا كەرنەۋ سىنىبى 220 جانە 500 كۆ بولاتىن قۋات ترانسفورماتورلارىن شىعارۋ بويىنشا قازاقستاندا العاشقى زاۋىت سالۋدى جوسپارلاپ وتىرمىز، - دەدى ە.ءىلياسوۆ.

ايتا وتەيىك، وڭتۇستىك قازاقستان وبلىسىندا ەڭ العاشقى ترانسفورماتور زاۋىتى كەنتاۋ قالاسىندا 1959 جىلى سالىنعان بولاتىن.

ءوڭىر باسشىسى قازىعۇرت اۋدانىنا باردى

وبلىس اكىمى ب.اتامقۇلوۆ قازىعۇرت اۋدانىندا ءىس-ساپارمەن بولىپ، بىرنەشە الەۋمەتتىك نىسانداردىڭ جۇمىسىمەن تانىستى.

ساپار بارىسىندا ول اۋداندا ورنالاسقان جىلىجايدى ارالاپ كوردى. بۇگىنگى تاڭدا كاسىپكەر ل.جۇباتوۆا سالعان جىلىجايدىڭ 1 گەكتار جەرىنەن الىنعان ءونىمنىڭ ءتۇسىمى 200-250 تسەنتنەرگە جەتىپ وتىر.

ارالاعان نىسانداردىڭ اراسىندا اۋداندا داقىلدار وسىرۋمەن جانە قايتا وڭدەۋمەن اينالىساتىن «امانكەلدى» جشس-ءى دە بولدى. كاسىپورىن ءوز ونىمدەرىن قازاقستان نارىعىنان بولەك وزبەكستان، اۋعانستان، تاجىكستان رەسپۋبليكالارىنا شىعارۋدا.

ساپار سوڭىندا اكىم قازىعۇرت اۋدانىنىڭ ارداگەرلەرىمەن كەزدەستى.

قازاق حاندىعىنىڭ 550 جىلدىعىنا حالىقارالىق عىلىمي-پراكتيكالىق كونفەرەنتسياسى بولىپ ءوتتى.

بۇگىن، م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە قازاق حاندىعىنىڭ 550 جىلدىعىنا بايلانىستى «قازاق حاندىعى - تاۋەلسىز قازاقستاننىڭ نەگىزگى باستاۋى جانە ماڭگىلىك ەل» تاقىرىبىندا حالىقارالىق عىلىمي-پراكتيكالىق كونفەرەنتسياسى بولىپ ءوتتى.

اتالعان كونفەرەنتسياعا وبلىس اكىمىنىڭ ورىنباسارى ەرلان ايتاحانوۆ ارنايى قاتىسىپ، قۇتتىقتاۋ ءسوز سويلەدى.

سونىمەن بىرگە بۇل كونفەرەنتسيا جۇمىسىنا الەمگە تانىمال تاريح عالىمدارى، ارحەولوگتار، انتروپولوگتار مەن فيلوسوفتار جانە ستۋدەنتتەر مەن ماگيسترانتتار قاتىستى.
م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ ۇيىمداستىرۋىمەن وتكىزىلگەن كونفەرەنتسيانىڭ نەگىزگى ماقساتى وتكەن تاريحىمىزبەن، كەلەكشەكتى بايلانسىتىرىپ، جاستارعا ەلدىك ءداستۇرىمىزدىڭ تەرەڭدە ەكەنىن سەزىندىرىپ، تاريحي سانانى جاڭعىرتۋ بولىپ تابىلادى.

جيىن،م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ رەكتورى مىرحالىقوۆ جۇماحان ۇشكەمپىرۇلىنىڭ العى سوزىمەن باستالدى. قازاقستان رەسپۋبليكاسى ۇلتتىق عىلىم

قر ءبىلىم جانە عىلىم مينيسترلىگى عىلىم كاميتەتىنىڭ مەملەكەت تاريحى ينستيتۋتى ديرەكتورىنىڭ ورىنباسارى، ت.ع.د، دوتسەنت امانگەلدى نۇركەۇلى قاشقىمباەۆ، رەسەي عىلىم اكادەمياسى افريكا ينستيتۋتىنىڭ تروپيكالىق افريكا ەلدەرىن زەرتتەۋ ورتالىعىنىڭ جەتەكشى عىلىمي قىزمەتكەرى ۆاسيلي رۋدولفوۆيچ فيليپوۆ پەن قازاقستان ۇلتتىق عىلىم اكادەمياسىنىڭ اكادەميگى ورازاق يسماگۇلوۆ، تۇركيا رەسپۋبليكاسىنان كەلگەن PhD دوكتور ايحان پالالار باياندامالارىن جاسادى.

وبلىس اكىمىنىڭ ورىنباسارى ەرلان قۋانىشۇلى ءوزىنىڭ قۇتتىقتاۋ سوزىندە
ەلباسى نۇرسۇلتان ءابىشۇلى استانا قالاسىنداعى كەرەي مەن جانىبەك حانداردىڭ ەسكەرتكىشىن اشۋعا ارنالعان سالتاناتتى جيىندا: «بارشاڭىز بىلەسىزدەر، كەرەي مەن جانىبەك حاندار قاسيەتتى قوزىباسى جەرىندە قازاق دەپ اتالاتىن حاندىقتىڭ العاشقى قاداسىن قاعادى. التىن وردانىڭ زاڭدى مۇراگەرى رەتىندە شۋ مەن سىردىڭ اراسىندا بوي كوتەرگەن قازاق ورداسى ۋاقىت وتە كەلە ۇلان-عايىر دالاعا يەلىك ەتتى. تۇپتەپ كەلگەندە كەرەي مەن جانىبەك تۇسىندا تاريح ساحناسىنا شىققان «قازاق» دەگەن ءسوز «ەگەمەن، ەنشىسىن العان ەركىن ەل» دەگەن ماعىنانى بەرەدى» دەپ اتاپ ءوتتى. سوندايىق-اق كونفەرەنتسيا جۇمىسىنا ساتتىلىك تىلەدى.

كونفەرەنتسيا تومەندەگىدەي 4 سەكتسيا بويىنشا جۇمىس جاسادى.

اتاپ ايتقاندا:

№1 قازاق حاندىعى- قازاقستاننىڭ ۇلتتىق مەملەكەتتىلىگىنىڭ نەگىزى;

№2 قازاق حاندىعىنىڭ قۇرىلۋى كەزىندەگى ەۆرازيا كەڭىستىگىندەگى ەتنيكالىق ساياسي-قۇقىقتىق ۇردىستەر جانە قازاق حالقى مەن ونىڭ مادەنيەتىنىڭ قالىپتاسۋى;

№3 قازاق حاندىعى مەن قازاق حالقىنىڭ قالىپتاسۋى جايلى ارحەولوگيا، ەتنولوگيا جانە انتروپولوگيا عىلىمدارىنىڭ دەرەكتەرى;

№4 «ماڭگىلىك ەل» ۇلتتىق يدەياسىن جۇزەگە اسىرۋ- تاۋەلسىز قازاقستاننىڭ تۇپكى ماقساتى;
اتالمىش حالىقارالىق عىلىمي-تاجىريبەلىك كونفەرەنيا اياسىندا ايتىلعان تۇجىرىمدار قازاق حاندىعى، ياعني قازاق مەملەكەتتى مەن مەملەكەتتىلىگىنىڭ وزەكتى ماسەلەلەرى شىنايىلىق تۇرعىسىندا جانە جان-جاقتى قازىرگى تاۋەلسىز قازاقستانمەن ساباقتاستىرىلا بەرىلىپ، جاسالادى دەپ كۇتىلۋدە.

وقو اكىمىنىڭ ءباسپاسوز قىزمەتى.

اباي-اقپارات