2015 جىلى 26 قازاندا قىزىلوردا قالاسىندا «اۋىل» پارتياسى قىزىلوردا وبلىستىق فيليالىنىڭ ەسەپ بەرۋ-سايلاۋ كونفەرەنتسياسى ءوتتى دەپ حابرلايدى «اۋىل» حالىقتىق-دەموكراتيالىق، پاتريوتتىق پارتياسىنىڭ ورتالىق اپپاراتى. كونفەرەنتسياعا «اۋىل» پارتياسى وبلىستىق بولىمشەسىنىڭ بارلىق اۋداندىق جانە قالالىق فيليالدارىنىڭ وكىلدەرى جيىلدى. قىزىلوردا وبلىستىق فيليالىنىڭ جاڭا توراعاسى بولىپ س.ءى.ومىرزاقوۆ ءبىراۋىزدان سايلاندى. كونفەرەنتسيا جۇمىسىنا «اۋىل» حدپپ توراعاسى، قازاقستان رەسپۋبليكاسى سەنات دەپۋتاتى ءا.بەكتاەۆ قاتىستى. ءا. بەكتاەۆ ءوزىنىڭ سوزىندە : «اۋىل پارتياسى اۋىلشارۋاشىلىق ونىمدەرىنە ادىلەتتى باعا قاجەت دەپ ەسەپتەيدى. بۇل ماقساتقا اگرارلىق سەكتوردى يندۋستريالاندىرۋ نەگىزىندە اۋىلشارۋاشىلىق ونىمدەرىن وڭدەۋ جانە ساقتاۋ تەحنولوگيالارىن دامىتۋ ارقىلى جەتۋگە بولادى»-دەپ اتاپ ءوتتى وسى تۇرعىدا، مەملەكەتىمىزدى جاڭا فورماتسياعا كوتەرۋ، قوعامدىق قاتىناستاردى جەتىلدىرۋ، ەڭ نەگىزگىسى، الەمدىك داعدارىسقا قاراماي، ەكونوميكالىق ءوسىمدى، حالقىمىزدىڭ الەۋەتىن جاقسارتۋدى قامتاماسىز ەتۋ - پارتيانىڭ نەگىزگى ماسەلەسى. انىقتاما: اۋىل پارتياسى وبلىستىق ەسەپ بەرۋ-قايتا سايلاۋ كونفەرەنتسيالارىن وتكىزۋدە. پارتيالىق قۇرىلىس پروتسەسىن اياقتاۋ ۇستىندە. 

اباي-اقپارات