جالاڭاش ءتانىن جۇرتشىلىققا پاش ەتۋ – ونەر مە، الدە ەرمەك پە؟  ءبىز بىلەتىن الەمدە مۇنداي قۇبىلىس بۇرىننان بار جانە قالىپتاسقان. ماقساتى دا ايقىن. بۇل ءادىس اۋەلدە – قايىرىمدىلىق شاراسى رەتىندە قارجى جيناۋ ءۇشىن قولدانىلسا، كەيىنىرەك – نارازىلىق تانىتۋدىڭ جالاڭاش تۇرىنە اينالعان.

قازىرگى كەزدە تسەنزۋراسىز ينتەرنەتتە ادامدار اقشا ءۇشىن ەمەس، نارازىلىق تانىتۋ ءۇشىن شەشىنە باستاعانى راس-اق. اۋەلدە نارازىلىقتىڭ مۇنداي قولاپايسىز ءادىسىنىڭ ەپيتسەنترى ەگيپەت پەن قىتاي بولسا، ەندى بۇل ىندەت قازاقستانعا دا كەلگەن. بۇدان ءسال بۇرىنىراقتا قازاقستاندىق جۋرناليست گۇلجان ەرعاليەۆا: «ادەمى وتىرىكتەن جالاڭاش شىندىق ارتىق» دەپ، كامەرا الدىندا شەشىنگەنىن ۇمىتا قويماعان بولارسىز. بۇل جەردە تاكتيكا ەرسى بولعانىمەن، ءموتيۆى ايقىن ەدى عوي.

ال ەندى ايەلدەر ءتانىن تىرداي جالاڭاشتاپ، ونى جالپاق جۇرتقا جاريا ءۇشىن ەشقانداي سەبەپتىڭ دە كەرەگى جوق بولىپ شىقتى.

جاقىندا امەريكالىق «PlayBoy» جۋرنالىنىڭ بالاماسى رەتىندە – قازاقستاندا «gagarin.tm» ينتەرنەت جۋرنالى پايدا بولعان. وندا قازاقستاندىق جۇلدىزدار ءابسوليۋتتى تۇردە جالاڭاشتانعان سۋرەتتەرىن جاريالايدى-مىس. اۋەلدە ەستىگەنىمىزگە قۇلاعىمىز سەنە قويماعانىمەن، اتالمىش جۋرنالدىڭ ەلەكتروندىق نۇسقاسىن كورگەندە ابدىراپ قالدىق. سوندا، قازاقستاندىق جۇزدىزدار كامەرا الدىندا تىرداي جالاڭاشتانۋدى وعاش كورمەگەنى مە؟

مىسالى، تانىمال قازاقستاندىق كينو اكتريسا – ايسۇلۋ ازيمباەۆا العاشقىلاردىڭ ءبىرى بولىپ،  «گاگارين» جۋرنالىنا ارنايى فوتو سەسسيا جاساعان (http://gagarin.tm/article/g-spot/88-devushka-gagarin-aysulu-azimbaeva/). اكتريسانىڭ ءوزى اتالمىشش جۋرنالعا بەرگەن سۇحباتىندا: «مەن قانشالىقتى شەشىنە الاتىن بولسام، سونشالىقتى ءوزىمنىڭ شىنايىلىعىمدى دالەلدەيمىن. ادام ءوز ءتانىن قورعايدى، كۇتەدى، ادەمىلىگىن ساقتايدى. اسىرەسە ايەلدىڭ ءتانى سۇلۋ بولسا، ونى نەگە جاسىرىپ قالۋى ءتيىس» دەگەن-مىس.

سونداي-اق، قازاقستاندىق ورتادا «كەلينكا ءسابينا» ءفيلمى ارقىلى تانىمال بولعان كينو اكتريسا، تەلەجۇرگىزۋشى اينۇر ءىلياسوۆا دا ايسۋلۋدىڭ ىزىمەن، «گاگارينگە» ءوز ءتانىن تاماشالاتىپتى. كورەمىن دەسەڭىز حوشىڭىز، (http://gagarin.tm/article/g-spot/73-devushka-gagarin-aynur-ilyasova/).

ال جۋرنال رەداكتسياسى ارتىستەردىڭ ادەپسىز سۋرەتتەرىن جاريالاۋدى – «باتىرلىق» دەپ باعالايدى ەكەن.

سونىمەن، بۇل ءۇردىس قازاقستانعا دە كەلىپ جەتتى. ميپازدانعان ميسستەرىمىزدىڭ ميى اۋىسىپ كەتكەن جوق پا، وسى؟ ءتان سىمباتىنىڭ جەڭىسى – ۇجدانىنىڭ جەڭىلىسى ەكەنىنە ءمان بەرمەگەنى عوي.

قازاقتىڭ تورىندەگى ەركە قىزىنا، بوساعاداعى اق كەلىنىنە، الەمدى تەربەتكەن عازيز انالارىنا بالايتىن جۇزدىزدارىمىزدىڭ سيقى مىناۋ بولسا، جالاڭاشتانعان ءتانىن كورسەتىپ، ەركەك كىندىكتىڭ ءشاھۋاتىن قوزدىرعاندارعا نە دەۋ كەرەك؟!  سۇلۋلىق – ايەلدىڭ باعى، قادىرىنە جەتپەسە – سورى ەكەنىنە تاعى ءبىر مارتە كوزىمىز جەتتى.  

نۇرگەلدى ابدىعانيۇلى

Abai.kz