ۋكراينانىڭ بۇرىنعى پرەزيدەنتى ۆيكتور يانۋكوۆيچتىڭ قۇقىعىن قورعايتىن ۇيىم ۋكراينا ۇكىمەتىن سوتقا بەرمەكشى. ولار قازىرگى ۋكراين ۇكىمەتى يانۋكوۆيچتىڭ قۇقىعىن بىرنەشە رەت بۇزدى دەيدى. يانۋكوۆيچتىڭ قورعاۋشىلارىنىڭ سوزىنشە، «ول ءوزىنىڭ ساياسي كوزقاراسى جانە مارتەبەسى ءۇشىن كەمسىتۋشىلىككە تاپ بولىپ وتىر».

يانۋكوۆيچ ۋكراين حالقىنىڭ بىرنەشە ايدان بەرگى ونىڭ ۇكىمەتىنە قارسىلىعىنان كەيىن 2014 جىلدىڭ اقپان ايىندا رەسەيگە قاشىپ كەتكەن بولاتىن. بۇگىندە ونىڭ ءدال مەكەن جايى بەلگىسىز. بىراق ارا-تۇرا رەسەيدەن كورىنىپ قالادى.

ۇستىمىزدەگى جىلدىڭ تامىزىنان باستاپ كيەۆتە يانۋكوۆيچتىڭ ۇستىنەن قوزالعان قىلمىستىق ىسكە بايلانىستى سىرتتاي سوت وتىرىسى باستالعان. وعان مەملەكەت قاراجاتىن جىمقىردى جانە ۇكىمەتكە قارسى ميتينگتە ادام ولىمىنە سەبەپشى بولدى دەگەن ايىپتار تاعىلعان.

اباي-اقپارات