قر تابيعي مونوپوليالاردى رەتتەۋ اگەنتتىگىنىڭ بۇرىنعى باسشىسى مۇرات وسپانوۆ مەملەكەتكە ميللياردتان جوعارى تەڭگە ايىپپۇلىن تولەدى دەپ حابارلايدى استانا قالالىق سوتىنىڭ ءباسپاسوز قىزمەتى.

«سوتتالۋشى وسپانوۆ مەملەكەت قازىناسىنا ايىپپۇلدىڭ بارلىق سوماسىن تولەدى. وسىلايشا سوتتىڭ وعان قاتىستى ايىپپۇل تولەۋ شەشىمى تولىقتاي وتەلدى»، -دەلىنگەن حابارلامادا.

ەسكە سالا كەتەيىك، 2015 جىلدىڭ 13 اقپانىندا تابيعي مونوپوليالاردى رەتتەۋ اگەنتتىگىنىڭ بۇرىنعى باسشىسى اسا ءىرى كولەمدە پارا الدى دەگەن ايىپپەن كىنالى دەپ تابىلعان بولاتىن. سوت شەشىمى بويىنشا، وعان بارلىق مۇلكى تاركىلەنۋمەن قوسا  1 ميلليارد 101 ميلليون 60 مىڭ تەڭگە (شامامەن 4 ميلليون دوللاردان استام) ايىپپۇل سالىنعان. مۇنان باسقا بۇرىنعى شەنەۋنىككە مەملەكەتتىك مەكەمەلەردە جەتى جىلعا دەيىن جۇمىس ىستەۋگە تىيىم سالىنعان.

اباي-اقپارات