«اقتوبە وبلىسى اكىمىنىڭ ورىنباسارى سارا نۇرقاتوۆا ءوزى قىزمەت ەتىپ وتىرعان اكىمدىككە الدىمەن بالاسىن، كەيىن ونىڭ ايەلىن جۇمىسقا العان. وبلىس اكىمى اتىنان بەرىلەتىن دارىندى بالالارعا بەرىلەتىن ستەپەنديانى دا تۋىستارىنا ءبولىپ بەرگەن. كوميسسيا توراعاسى نۇرقاتوۆا حانىم، ال، ونىڭ حاتشىسى ءوز بالاسى. بۇل نە؟ وتباسىلىق بيزنەس پە؟ بۇعان پارتيا نەگە شارا قولدانبايدى؟»،  – دەدى «نۇر وتان» پارتياسى جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەس وتىرىسىندا ساياساتتانۋشى نۇرلان ەرىمبەتوۆ.

بۇل مالىمدەمەدەن كەيىن ساپارباەۆتىڭ ورىنباسارىنىڭ ماسەلەسى ماي شاممەن قارالۋى مۇمكىن.

ۇياتتى بولعان ورىنباساردىڭ وتباسى مۇشەلەرى اكىمدىكتە جۇمىس ىستەيتىنىنەن جەرگىلىكتى بيلىك حاباردار. سونداي-اق، ولاردىڭ لاۋازىمدى قىزمەتتە جۇرگەنىنە بىرنەشە جىل بولعان. نۇرقاتوۆا حانىمنىڭ ءوزى وبلىس اكىمدىگىندە ورىنباسار بولىپ 8 جىلدان بەرى وتىر. بىرنەشە اكىممەن جۇمىس جاساپ ۇلگەردى.

وبلىستىڭ بۇرىنعى اكىمدەرى ساعىندىقوۆ پەن مۇحامبەتوۆ وتباسىلىق بيزنەس تۋرالى ەشتەڭە دەمەگەن ەدى. اقتوبەلىك شەنەۋنىكتەردىڭ بىلىعى ەندى اشىلىپ جاتىر. ۇزاق جىل اكىمدىكتىڭ ءبىر ۇشىن باسقارعان ورىنباسار جايىن بيلىك پارتياسىنىڭ اۋىزعا ەندى العانى تۇسىنىكسىز.

ايتپاقشى، نۇرقاتوۆانىڭ وتباسىلىق بيزنەسى تۋرالى اقتوبەلىك تۇرعىنداردان وبلىس اكىمدىگىنىڭ بلوگىنا شاعىم  تۇسكەن بولاتىن.

ەڭبەك ءوتىلىن مۋزىكا ءپانىنىڭ مۇعالىمىنەن باستاپ، اكىمدىكتەن ءبىر شىققان اقتوبەدەگى وبلىس اكىمىنىڭ ورىنباسارى وسىلايشا داۋعا قالدى.

اباي-اقپارات