سيريا استاناسى داماسكىدە رەسەي ەلشىلىگىنە ەكى زىمىران ءتۇستى. زىمىران تۇسكەن مەزگىلدە سيريا بيلىگىن جاقتايتىن دەمونسترانتتار ماسكەۋدىڭ سيرياداعى شابۋىلدارىن قولداپ اكتسيا وتكىزىپ جاتقان.

كەيبىر اقپاراتتار بويىنشا، العاشقى زىمىران ەلشىلىكتىڭ ءبىر بولىگىنە ءتۇسىپ، جينالعان جۇرتتى دۇرلىكتىرگەن. جينالعاندار جان-جاققا قاشا باستاعاندا سول ماڭعا ەكىنشى زىمىران تۇسكەن.

رەسەي ەلشىلىگى توتەنشە وقيعادان قۇرباندار جوعىن حابارلادى.

France Press اگەنتتىگىنىڭ حابارلاۋىنشا، زىمىران سوققىسى جاسالعان كەزدە ەلشىلىك الدىندا 300-دەي ادام جينالىپ تۇرعان.

داماسك ماڭىنداعى وپپوزيتسياشىل كوتەرىلىسشىلەر بۇعان دەيىن ەلشىلىككە شابۋىل جاساعان. بىراق بۇگىنگى زىمىران سوققىسى دەمونستراتسيانى نىسانانى العانى، يا باسقا ماقساتتا جاسالعانى بەلگىسىز.

ء«ال-قايدانىڭ» سيرياداعى بولىمشەسى «نۋسرا مايدانى» ۇيىمىنىڭ باسشىسى 12 قازاندا رەسەي شابۋىلدارىنان ءسۇننيت مۇسىلماندارى قازا بولىپ جاتقانىنا كەك الۋعا شاقىرعان.

رەسەي 30 قىركۇيەكتە سيرياداعى كوتەرىلىسشىلەرگە قارسى اۋە شابۋىلدارىن باستاعان.

اباي-اقپارات