شۆەتسيادا توپتىق فوتوسەسسيا كەزىندە ساقالدىلار كلۋبىنىڭ وكىلدەرى كۇدىككە ءىلىنىپ، ولاردى تۇتقىنداماق بولعان. تىپتەن ولاردى «يسلام مەملەكەتى» توبىنىڭ مۇشەلەرى رەتىندە قابىلداپ، پوليتسيا شاقىرعان.

شىن مانىندە ولار «Bearded Villians» (سۇم ساقالدىلار) حيپستەر توبىنىڭ مۇشەلەرى بولىپ شىققان. ولار فوتوسەسسياعا ۇيىمنىڭ قارا-اق ءتۇستى بولىپ كەلەتىن جالاۋىن دا الا كەلگەن.      

كونترتەرروريستىك كۇش بىردەن «يسلام مەملەكەت» تۋىن ەسكە تۇسىرەتىن جالاۋدى كورىپ، ساقالدىلار جينالعان كلۋبقا كەلگەن دەپ جازادى spravda.com سايتى.  

الايدا ولار تەك عانا حيپستەر سۋبمادەنيەتىنىڭ وكىلدەرى بولعاندىقتان كۇدىك سەيىلگەن.

اباي-اقپارات