قوعام بەلسەندىلەرى ەرمەك نارىمباەۆ پەن سەرىكجان مامبەتاليىننىڭ بەلگىسىز سەبەپتەرگە بولا قۇقىق قورعاۋ قىزمەتكەرلەرىنىڭ تاراپىنان تۇتقىنعا الىنۋىن مۇحتار شاحانوۆ جەتەكشىلىك ەتەتىن ۇلتتىق كەڭەس ۇيمىنىڭ كەزەكتى ءبىر مالىمدەمەسىمەن بايلانىستىرىپ جاتقاندار بار. سونداي قاۋەسەت سوزدەرگە قاتىستى 

قازاق ۇلتتىق كەڭەسى

ءباسپاسوز قىزمەتى تۇسىنىكتەمە بەردى:

جۋىردا قازاق ۇلتتىق كەڭەسىنىڭ جيىنى ءوتىپ،  وندا ۇلتتىق، ەلدىك مۇددەلەرگە قاتىستى قوردالانىپ قالعان بىرنەشە ماسەلە كۇن تارتىبىندە قارالدى. قازاق ۇلتىنىڭ ءتىلى مەن ۇلتتىق بولمىسىنا ءتىل تيگىزگەن جانە جىنىستىق قاتىناس ءۇشىن مەملەكەتكە سالىق تولەۋ قاجەت دەپ ساۋ ادامنىڭ باسىنا كەلمەيتىن پىكىر ايتقان مۇرات تەلىبەكوۆتىڭ قازاق ۇلتىن مانسۇقتاعان «ۆەتەر س ۋليتسى» دەگەن كىتابىنىڭ ماسەلەسى دە  جينالىستان تىس قالمادى. جينالىس بارىسىندا ۇلتتىق كەڭەس بۇل كىتاپتا ايتىلعان پىكىرلەرمەن ءۇزىلدى-كەسىلدى كەلىسپەيتىنىن بىلدىرگەن بولاتىن.

  بىراق الەۋمەتتىك جەلىدە وي ءبولىسىپ،  ول كىتاپتان سىلتەمە كەلتىرگەن قوعام بەلسەندىلەرى: سەرىكجان مامبەتالين مەن ەرمەك نارىمباەۆتى تۇتقىنداۋ ەش نەگىزسىز دەپ باعالايمىز. دەموكراتيالىق قوعامدا وزدەرىنىڭ ازاماتتىق كوزقاراسىن، پىكىرىن اشىق ءبىلدىرىپ جۇرگەن سەرىكجان مامبەتالين مەن ەرمەك نارىمباەۆتى تۇتقىنداۋ بيلىك ءۇشىن دە قۇقىق قورعاۋ قۇرىلىمدارى ءۇشىن دە ەرسى ارەكەت دەپ سانايمىز.

ينتەرنەت بەتتەرىندە، الەۋمەتتىك جەلىلەردە قازاق ۇلتتىق كەڭەسى اتىنان جاريالانعان «ارسىزدىققا جول بەرۋگە بولمايدى» دەگەن مالىمدەمە ۇلتتىق كەڭەس جينالىسىندا مۇلدە تالقىلانباعان جانە بەكىتىلمەگەن. ءبىر بەلسەندىنىڭ اسىعىس ارەكەتىنەن ۇلتتىق كەڭەس اتىنان تاراپ كەتكەن. سوندىقتان دا مالىمدەمەدە ايتىلعان م.تەلىبەكوۆكە قاتىستى دۇنيەدەن باسقاسىن جارامسىز دەپ تانيمىز. 

قازاق ۇلتتىق كەڭەسى

Cۋرەت الەۋمەتتىك جەلىدەن الىندى

Abai.kz