12 قازاندا زاڭ عىلىمدارىنىڭ دوكتورى، پروفەسسور ماقسۇت نارىكباەۆ 75 جاسىندا دۇنيەدەن وزدى، - دەپ حابارلايدى Tengrinews.kzء تىلشىسى. اقپاراتتى قازگزۋ راستادى.

ماقسۇت نارىكباەۆ ەڭبەك جولىن 1959 جىلى قارمەتكومبينات قۇرىلىسىندا تاكەلاجشى بولىپ باستادى. ول پروكۋراتۋرا جانە قر ادىلەت مينيسترلىگىنىڭ اپپاراتتارىندا جۇمىس ىستەگەن. پروكۋراتۋرا تەرگەۋشىسىنىڭ ستاجەرى، اعا تەرگەۋشى، تالدىقورعان وبلىستىق ادۆوكاتتار القاسىنىڭ مۇشەسى، زاڭگەرلىك كەڭەسىنىڭ مەڭگەرۋشىسى، حالىقتىق سوت تورەشىسى قىزمەتتەرىن اتقارعان. 1995 جىلدىڭ قازانىنان 1996 جىلدىڭ ماۋسىمىنا دەيىن  قر باس پروكۋرورى، 1996 جىلدىڭ ماۋسىمىنان 2000 جىلدىڭ قىركۇيەگىنە دەيىن  قر جوعارعى سوتىنىڭ توراعاسى بولدى. 2000 جىلدىڭ 28 شىلدەسىنەن باستاپ بۇگىنگە دەيىن قازاق گۋمانيتارلىق زاڭ ۋنيۆەرسيتەتى ۇجىمىن باسقاردى، ديرەكتورلار كەڭەسىنىڭ توراعاسى، رەكتور قىزمەتتەرىن اتقاردى.

ايتا كەتەيىك، ماقسۇت نارىكباەۆ سپورتپەن بەلسەندى تۇردە اينالىستى. ول 2014 جىلدىڭ ماۋسىمىندا، 74 جاسىندا پاراشيۋتپەن سەكىردى. 2015 جىلدىڭ ساۋىرىندە ونىڭ قاتەرلى ىسىككە شالدىققانى بەلگىلى بولدى.

اباي-اقپارات