اقش قورعانىس ءمينيسترى ەشتون كارتەر اقش رەسەيمەن سيريادا اسكەري ىنتىماقتاستىق جۇرگىزۋگە كەلىسپەيتىنىن، سەبەبى رەسەيدىڭ سيرياداعى ستراتەگياسى «قايعىعا سوعاتىن قاتەلىك» دەپ مالىمدەدى.

7 قازاندا ريمدە سويلەگەن سوزىندە كارتەر رەسەي اسكەري كۇشىن «يسلام مەملەكەتى» توبىنا قارسى باعىتتاماعانىن تاعى دا قايتالاپ، «تۇبىمەن قاتەلىك جاساپ وتىر» دەدى. الايدا ول اقش ماسكەۋمەن ۇشقىشتاردىڭ قاۋىپسىزدىگى جونىندە تەحنيكالىق كەڭەس جۇرگىزۋگە دايىن ەكەنىن جەتكىزدى.

رەسەيدىڭ تەڭىز اسكەرى كەشە سونىمەن بىرگە كاسپي تەڭىزىندەگى فلوتيليا كەمەلەرىنەن سيرياداعى «يسلام مەملەكەتى» سودىرلار ۇيىمىنىڭ پوزيتسيالارىنا 26 قاناتتى زىمىرانمەن اتقىلادى.

Reuters اگەنتتىگى سارسەنبى كۇنى داماسكىدەگى رەسمي اقپارات كوزىنە سىلتەمە جاساپ، سيريا ۇكىمەتىنىڭ اسكەرلەرى ەلدىڭ ورتالىق بولىگىنە رەسەي اۋە فلوتىنىڭ كومەگىمەن قۇرلىقتاعى شابۋىلىن باستاعانىن حابارلادى.

ماسكەۋ سيرياداعى اسكەري وپەراتسياسى تەرروريستەرگە قارسى باعىتتالعانىن ايتسا، اقش پەن ونىڭ وداقتاستارى رەسەيدىڭ ماقساتى باشار اساد بيلىگىن ۇستاپ قالۋ دەپ قاۋىپتەنەدى.

اباي-اقپارات