قفف-نىڭ ماڭىنان اشىلعان «قازاقستان فۋتبولىنىڭ ارداگەرلەرى» قوعامدىق قورىنىڭ پرەزيدەنتى دياس وماروۆتىڭ ويىنشا، ايسۇلتان نازارباەۆقا وتاندىق فۋتبولدىڭ باسشىسى بولۋعا ءالى ەرتە، دەپ حابارلايدى pavlodarnews.kz.

“مەن ونى تولىقتاي تانىمايمىن، بىراق، مەنىڭشە، ول ءالى جاس. مۇنداي جاستا فەدەراتسيا باسشىلىعىندا وتىرعان ايسۇلتاندى ەلەستەتە دە المايمىن. ءيا، ول جاستار قۇراماسىندا فۋتبول وينادى. الايدا باسشىلىققا ءوتۋ ءۇشىن بۇل تاجىريبە ازدىق ەتەدى”، – دەدى وماروۆ.

سونداي-اق «قازاقستان فۋتبولىنىڭ ارداگەرلەرى» قق-نىڭ جەتەكشىسى جاس كانديداتتى ۋەفا پرەزيدەنتى ميشەل پلاتينيمەن سالىستىردى.

ء“وز كەزەگىندە فرانتسۋز ازاماتى پرەزيدەنتتىك تاققا وتىرماس بۇرىن كوپ جىلدار بويى ۋەفا جانە فيفا كوميتەتتەرىندە قىزمەت ەتتى. تەك سودان كەيىن عانا باسشىلىققا تاعايىندالدى، – دەپ اتاپ ءوتتى ول.

ەستەرىڭىزگە سالا كەتسەك، ەلباسىنىڭ نەمەرەسى قفف-نىڭ پرەزيدەنتتىگىنە كەزەكتەن تىس سايلاۋ وتكىزۋ تۋرالى ۇسىنىس تاستاعان بولاتىن. ال ۇمىتكەردەردىڭ ءبىرى رەتىندە ءوزىن تانىستىردى.

اباي-اقپارات