«سەرىك احمەتوۆ» ءىسى بويىنشا سوتقا كۋاگەر رەتىندە شاقىرىلعان مەملەكەتتىك قىزمەت  جانە جەمقورلىققا قارسى كۇرەس اگەنتتىگىنىڭ تەرگەۋ باسقارماسى باستىعىنىڭ ورىنباسارى ولەسيا كەكسەل كۋاگەرلەرگە قىسىم جاسالعانى جايىنداعى فاكتىنى جوققا شىعاردى دەپ جازادى bnews.kz سايتى (قاراڭىز:  http://bnews.kz/ru/news/post/294767/).  

«سوت پروتسەسسى بارىسىندا سوتتالۋشىدان جانە ونىڭ قورعاۋشىلارى تاراپىنان قىلمىستىق ءىس بويىنشا كۋاگەرلەرگە قىسىم كورسەتىلۋ فاكتىلەرى بار ەكەنى جونىندە جەدەل توپ قىزمەتكەرلەرى اتىنا بىرنەشە رەت ايىپتاۋلار ايتىلدى. مەن، تەرگەۋ توبىنىڭ جەتەكشىسى رەتىندە وسى ماسەلەگە قاتىستى مىنانى مالىمدەگىم كەلەدى. الدىن الا تەرگەۋ بارىسىندا جاۋاپتالعان بارلىق كۋاگەرلەر تۇسىنىكتەمەلەرىن ءوز ەرىكتەرىمەن بەردى، ولاردىڭ ەشقايسىنا ەشقانداي قىسىم كورسەتىلگەن جوق، تۇسىنىكتەمەلەر ولاردىڭ قورعاۋشىلارىنىڭ قاتىسۋىمەن الىندى. جاۋاپ الۋ بارىسىندا قىلمىستىق-پروتسەسۋالدىق زاڭنامانىڭ بارلىق تالاپتارى ساقتالدى»، – دەپ مالىمدەدى و.كەكسەل.ول سونداي-اق، «كۋاگەرلەردەن دە، ولاردىڭ قورعاۋشىلارىنان دا جاۋاپ الۋ تاسىلدەرىنە قاتىستى قانداي دا ءبىر شاعىم تۇسكەن جوق»، -  دەدى.
«قازىر سوت وتىرىسىنا  قىلمىستىق ءىستىڭ تەرگەلۋ بارىسىنا باقىلاۋ جۇرگىزگەن ءبولىمنىڭ پروتسەسسۋالدىق پروكۋرورى قاتىسىپ وتىر. مەنىڭ ويىمشا، تەرگەۋ ءىس-ارەكەتتەرىنە قاتىستى ەشقانداي شاعىم تۇسپەگەنىن ول دا ماقۇلدايدى. مەن، تەرگەۋ توبىنىڭ جەتەكشىسى رەتىندە ءاربىر تەرگەۋ ارەكەتىنە جەكە باقىلاۋ جاسادىم، تەرگەۋشىلەردىڭ بولمەلەرىنە كىردىم، بىردە ءبىر ادۆوكات پەن كۋاگەردەن ماعان ەشقانداي شاعىم تۇسكەن جوق»، – دەپ مالىمدەدى تەرگەۋ باسقارماسىنىڭ جەتەكشىسى.
ولەسيا كەكسەلدەن جاۋاپ الۋ بارىسىندا مەملەكەتتىك ايىپتاۋشى بۇدان بۇرىن وتكەن وتىرىستاردا كۋاگەر شاكەنوۆتەن تۇسىنىكتەمە الىنعانىن، ول ءبىر اپتا بۇرىن قاراعاندى وبلىسى بويىنشا جەمقورلىققا قارسى كۇرەس دەپارتامەنتىنە شاقىرىلعانىن، وندا ولەسيا ەسىمدى بەلگىسىز ءبىر قىز بۇعان تۇسىنىكتەمەسى جازىلعان حاتتامانى بەرگەنىن مالىمدەدى. مەملەكەتتىك ايىپتاۋشى بۇل فاكتىگە قاتىستى تۇسىنىكتەمە بەرۋىن سۇرادى.
«كۋاگەر شاكەنوۆ شىنىندا دا قاراعاندى وبلىسى بويىنشا جەمقورلىققا قارسى كۇرەس دەپارتامەنتىندە بولدى، بىراق ونى مەن شاقىرعان جوقپىن. ونى قىلمىستىق ءىستى تەرگەۋ ءىسى بويىنشا تەرگەۋشى سەرىكوۆ شاقىردى. كۋاگەر شاكەنوۆ دەپارتامەنتتىڭ عيماراتىنا 18 قىركۇيەك كۇنى 18 ساعات 3 مينۋت شاماسىندا كەلدى، مەن ءوزىمنىڭ فۋنكتسيونالدىق مىندەتتەمەلەرىم شەگىندە عانا ول تەرگەۋشىمەن بىرگە دالىزبەن كەتىپ بارا جاتقاندا، ودان سوتقا شاقىردى ما دەپ سۇرادىم. ول «جوق» دەپ جاۋاپ بەردى دە، ءوز تۇسىنىكتەمەسىنىڭ كوشىرمەسىن سۇرادى. بۇل ونىڭ تۇسىنىكتەمەسى، ونى الدىن الا تەرگەۋ بارىسىندا جاۋاپتادى، مەن بۇدان ەشقانداي زاڭعا قايشى ارەكەت كورمەدىم، سوسىن ونىڭ تۇسىنىكتەمەسىنىڭ كوشىرمەسىن بەردىم»، – دەدى و.كەكسەل.

ول سونداي-اق، باسقا سۇراقتار، ماسەلەن، سوت تەرگەۋى بارىسىندا ول قانداي تۇسىنىكتەمەلەر بەرەدى، نە تۋرالى ايتادى، ول جايىندا سۇراعانىم جوق دەپ ناقتالادى ءوز ءسوزىن.
ەستەرىڭىزگە سالا كەتەيىك، قاراعاندى وبلىستىق سوتىندا اتى-شۋلى قىلمىستىق ءىس بويىنشا سوت وتىرىسى ءوتىپ جاتىر، ونداعى ايىپتالۋشىلار سانى –21 ادام. ايىپتالۋشىلاردىڭ ءبىرى سەرىك احمەتوۆ – بۇرىنعى قازاقستاننىڭ قورعانىس ءمينيسترى، 2014 جىلدىڭ 18 قاراشاسىندا بيۋدجەت قارجىسىن ءىرى كولەمدە جىمقىردى دەگەن ايىپپەن ءۇي قاماققا الىنعان.
كەيىن سەرىك احمەتوۆكە قىلمىستىق كودەكستىڭ ءتورت بابى بويىنشا التى قىلمىس جاسادى دەگەن ايىپ تاعىلدى. ونى ءىرى كولەمدەگى بوتەن مۇلىكتى يەمدەندى جانە پارا الدى، كاسىپكەرلىك قىزمەتكە زاڭسىز ارالاستى دەگەن ايىپ تاعىلدى. بۇعان قوسا وعان قك-ءنىڭ «لاۋازىمدىق وكىلدىگىن اسىرا پايدالانۋ» بابى بويىنشا ءۇش ەپيزود نەگىزىندە ايىپ تاعىلدى.

تەرگەۋ نۇسقاسى بويىنشا احمەتوۆتىڭ زاڭسىز ءىس-ارەكەتى سالدارىنان مەملەكەتكە كەلگەن شىعىن ءبىر ميلليارد تەڭگەدەن استام قارجىنى قۇرايدى. پروكۋرورلار سوتقا احمەتوۆكە قاتىستى، قاراعاندى وبلىسىنىڭ بۇرىنعى اكىمى باۋىرجان ابدىشەۆكە، قاراعاندى قالاسىنىڭ بۇرىنعى اكىمى سماعۇلوۆقا، سونداي-اق رەسپۋبليكالىق، وبلىستىق دەڭگەيدەگى باسقا دا بۇرىنعى مەملەكەتتىك قىزمەتكەرلەرگە قاتىستى 326 تومنان تۇراتىن قىلمىستىق ءىستى تاپسىردى.

Abai.kz