ساۋد ارابيا ءپۋتيننىڭ سيرياعا قاتىستى ۇسىنىسىن قابىل المادى، - دەپ حابارلايدى اباي-اقپارات.

سەيسەنبى كۇنى ساۋد ارابيا ماسكەۋدىڭ حالىقارالىق قاۋىمداستىقتى سيريا پرەزيدەنتى باشار اسادتى قولداۋعا شاقىرۋ جونىندەگى ۇسىنىسىنان كەسىمدى تۇردە باس تارتتى. 

ساۋد ارابيا كورولدىگىنىڭ سىرتقى ىستەر ءمينيسترى ادەل ءال-جۋبەير نيۋ-يوركتە وداقتاستارىمەن كەڭەسىنەن كەيىن، بۇۇ باس اسسامبلەياسى سەسسياسىنداعى ءپۋتيننىڭ سيرياعا قاتىستى ۇسىنىسىن «وقسىز اتۋ» دەپ اتاپ، اساد تاعىنان ءوز ەركىمەن كەتەدى نەمەسە كۇشپەن كەتىرىلەدى دەدى.

ءال-جۋبەير يراندى «تاياۋ شىعىستاعى تەرروريستەر مەن ەكسترەميستەرگە سۋ بۇركەپ وتىر» دەپ ايىپتادى.

ونىڭ سوزىنشە، سيرياداعى جاعدايدى رەتتەۋدىڭ ەكى-اق جولى بار. ءبىرى – ەڭ دۇرىسى سايلاۋ الدىندا اساد ءوز ەركىمەن كەتىپ، ونىڭ ورنىنا وپپوزيتسيانىڭ وكىلدەرى كىرەتىن ۋاقىتشا بيلىك ورناۋ كەرەك. ەكىنشىسى، اسكەري كۇشتىڭ كومەگىمەن كەتىرۋ.

«ەكەۋىنىڭ قايسىسىن تاڭدايدى، بۇل داماسكىنىڭ قازىرگى بيلىگىنىڭ شەشىمىنە بايلانىستى»،- دەدى ءال-جۋبەير.