قازاقستانداعى وقۋلىقتارداعى «قىرىمنىڭ رەسەي تەرريتورياسى» دەپ كورسەتىلۋىنە قاتىستى قر بعم تۇسىنىكتەمە بەرگەن. وندا ايتىلعانداي، قىرىمنىڭ رەسەي قۇرامىندا كورسەتىلۋىنە قاتىستى اقپاراتتار ارنايى ساراپتامادان وتكىزىلگەن. بۇل تۋرالى قر بعم ءباسپاسوز حاتشىسى الىبەك شوقپاروۆ «گوۆاريت موسكۆا» راديوسىنا سۇحبات بەرگەن  كورىنەدى.

 «قازاقستانداعى جالپى ءبىلىم بەرۋ مەكەمەلەرىنە ازىرلەنەتىن وقۋلىقتار ارنايى ساراپتامادان، كوميسسيادان وتكىزىلەدى. اتالمىش وقۋلىقتار دا تيىسىنشە، وسىنداي كوميسسيانىڭ قاراۋىنان وتكەن بولاتىن. بۇل كوميسسيا مەملەكەتتىك ءبىلىم بەرۋ ستاندارتتارىنا  سايكەستەندىرىلدى، ارنايى قۇجاتتارى دا بار. قر بعم تاراپىنان بەكىتىلگەن»،-دەيدى شوقپاروۆ مىرزا.

ونىڭ ايتۋىنشا، ءبىلىم جانە عىلىم سالاسىنداعى ارنايى كوميتەت باقىلاۋ جۇمىستارىن جۇرگىزۋدە. ولار ارنايى وقۋ-ادىستەمەلىك ساراپتاما جۇرگىزۋدە. ساراپتاما قورىتىندىسى كەيىنىرەك جاريالاناتىن بولادى.

ايتا كەتەيىك، وسىنىڭ الدىندا «مەكتەپ» باسپاسىنان شىعاتىن وقۋلىقتاردا قىرىمنىڭ رەسەي تەرريتورياسىنا قوسىلعانى تۋرالى جازىلعان دەرەكتەرگە قاتىستى پىكىر ءار-الۋاندىلىعى تۋعان بولاتىن. وسىعان وراي ۋكراينا ۇكىمەتى رەسمي تۇردە قازاقستاننىڭ ءسىم مەن قر بعم-عا نارازىلىق نوتاسىن جولداعان بولاتىن. وندا كيەۆ بيلىگى قازاقستاندىق مەكتەپتەردەگى وقۋلىقتاردى قايتا جازۋدى تالاپ ەتكەن.

اباي-اقپارات