تاجىكستان جانە يم. "ۇنايدى" دەگەن نۇكتەنى باسقاندار ۇستالىپ، تەرگەلۋدە
تاجىكستاندا يوۆون اۋدانىنىڭ 14 تۇرعىنى رەسەيلىك "ودنوكلاسسنيكي" سايتىندا جاريالانعان تاجىكتەردى "يسلام مەملەكەتى" (يم) ەكسترەميستىك ۇيىمىنا قوسىلۋعا شاقىراتىن ۆيدەوجازبا استىنا "ۇنايدى" تۇيمەسىن باسقانى ءۇشىن ۇستالىپ، تەرگەلدى.
تەرگەۋدەن سوڭ ون ادام بوساتىلىپ، ءتورت ادام قاماۋدا قالدى.
تاجىكستان بيلىگى سوڭعى كەزدە سودىرلاردىڭ تاجىكتەرگە قاتىستى ۇگىت-ناسيحاتى كۇشەيگەنىنە الاڭدايدى.
تاجىكستاندا "ودنوكلاسسنيكي" الەۋمەتتىك جەلىسىنىڭ جارتى ميلليونعا جۋىق قولدانۋشىسى بار.
تاجىكستان باسشىسى ەمومالي راحمون 21 قاڭتاردا جاريالاعان حالىققا جولداۋىندا سيريا مەن يراكتا مىڭداعان تاجىك ازاماتىنىڭ تەرروريستەر جاعىندا سوعىسىپ جۇرگەنىن مالىمدەگەن. ول سونىمەن بىرگە سوعىس كەزىندە 148 تاجىك ازاماتىنىڭ قايتىس بولعانىن دا جاريالادى.
اباي-اقپارات
