قاراجاتتى قازاقشا جۇمساي بىلەيىك
وسى اپتا ماشيناسىز ءجۇرمىن. قازىر تاكسيدە كەلە جاتىرمىن. الماتىدا بىلەسىزدەر، تاكسيستەر جول بويى ادام الىپ كەتە بەرەدى.
العاشقى بولىپ، مەن وتىردىم دا، "ماقاتاەۆ-مۇقانوۆ" جانە "بەس ءجۇز" دەدىم. جالپى قاي قالادا قاي ۇلت وكىلى توقتاسا دا، باراتىن جەر مەن باعاسىن قازاقشا ايتامىن. اقشا قاجەت بولسا، الىپ كەتەدى. ايتپەسە، تاكسي كوپ.
جۇرگىزۋشى جىگىت ءورىستىلدى قازاق ەكەن. ورىسشا جاۋاپ قاتتى، بىراق مەنى ءتۇسىندى دە وتىرعىزدى. جولدا تاعى ءبىر قىز وتىردى، ول دا قازاقشا ء"ۇش ءجۇز" دەدى. جۇرگىزۋشى تاعى ورىسشا سويلەستى. قىز تۇسكەن سوڭ، تاعى ەكى قىز شىقتى. ولار دا باراتىن جەرىن قازاقشا ايتتى. سول كەزدە جۇرگىزۋشى "كانشا؟" دەدى. ءبىر سويلەمەدى، ەكى سويلەمەدى، ءۇشىنشى رەت امال جوق جاۋاپ قاتتى اكتسەنتپەن بولسا دا. سەبەبى مويىندايمىز با، مويىندامايمىز با، قازاقشا سويلەيتىن xالىق كوبەيىپ جاتىر. اسىرەسە، الماتىدا!
ەندى بيزنەس جايلى ايتساق، xالىقتىڭ 70 پايىزىنان كوبى - قازاقتار. نارىقتاعى نەگىزگى ءتىل - قازاق ءتىلى. سول ءۇشىن كەز كەلگەن جەردە كليەنت بولساڭىز، قازاقشا سويلەۋ كەرەك: بانككە xابارلاسقاندا، تاكسي شاقىرعاندا، ءسان سالونىندا، كافە-رەستوراندا جانە ت.ب. مەملەكەت تە، باسشىلىق تا، شەنەۋنىك تە، پرەزيدەنت تە xالىقپەن ساناسادى. حالىق بارلىق جەردە قازاقشا سويلەسە، بيزنەس تە، ساياسات تا قازاقشالانادى. ەڭ باستىسى - قاراجاتتى قازاقشا جۇمساي بىلەيىك.
نۇرلان جاناي
Facebook-تەگى پاراقشاسىنان
