2050 جىل بولسا كەرەك. 72 جاسقا تولعان ەسەي شال تاڭ قاراڭعىسىندا كوزىن تىرناپ اشا سالىپ پەيسچۇككە كىرىپتى دە، ۇستامسىز ۇرپاعىنىڭ سابىرسىز جازبالارىنا باس شايقاپتى. سوسىن بىلاي دەپ جازىپتى:
- بالالارىم، ۇستامدى بولىڭدار! بۇل ۋاقىت دەگەننەن ارتىق سيقىرشى جوق. بۇگىن جالىنداپ جازعانىڭ ءۇشىن ەرتەڭ ۇيالاسىڭ. بۇگىنگى وڭىڭ ەرتەڭ تەرىس بولادى. بۇگىنگى قۇنسىزىڭ ەرتەڭ التىنعا بەرگىسىز بولادى. بۇگىنگى قادىر تۇتقانىڭ ەرتەڭ قاسيەتسىزگە اينالادى. ارا-اراسىندا ۇنسىزدىك تە جاقسى. ارا-اراسىندا ىشتەي ارپالىس تا جاقسى...
... دەپ ءوز جازعانىن سۇيسىنە قاراپ شىعىپتى دا: "ي-ي، كۇداي-ءاي، مەنى كىم تىڭداپ جاتىر دەيسىڭ؟" - دەپ كارى سۇيەگىن قايتادان كورپە استىنا تىعىپتى. ءبارىبىر جىلىنا الماي قويىپتى...

ەسەي جەڭىسۇلى

Facebook-تەگى پاراقشاسىنان