تاشكەنت. 11 ماۋسىم. قازتاگ - قازاقستان پرەزيدەنتى نۇرسۇلتان نازارباەۆ شانحاي ىنتىماقتاستىق ۇيىمىنا (شىۇ) مۇشە مەملەكەتتەرمەن قىرعىزستانعا گۋمانيتارلىق جانە قارجىلاي كومەك كورسەتۋى وتە ماڭىزدى دەيدى.

«قىرعىزستانعا قازىرگى قيىندىقتاردى ەڭسەرۋدە، بەيبىتشىلىك پەن تۇراقتىلىقتى ساقتاۋدا، الەۋمەتتىك-ەكونوميكالىق جاعدايدىڭ جاقسارۋىنا قول جەتكىزۋدە كومەك كورسەتكەن وتە ماڭىزدى. قىرعىزستانعا گۋمانيتارلىق تا جانە قايتارىمدى نەگىزدە قارجىلىق كومەك كورسەتكەن دە ماڭىزدى»، - دەدى ن. نازارباەۆ، جۇما كۇنى شىۇ مۇشە مەملەكەتتەردىڭ مەملەكەت باسشىلارىنىڭ كەڭەسىندەگى وتىرىسىندا.  

ونىڭ ايتۋىنشا، الداعى قازاقستاننىڭ شىۇ-عا توراعالىعىنىڭ ءبىر باسىمدىعى ورتالىق ازياداعى قاۋىپسىزدىك پەن تۇراقتىلىقتى ساقتاپ تۇرۋ بولماقشى.

«بۇل قىرعىزستانداعى وقيعالارعا بايلانىستى وتە وزەكتى ماسەلە»، - دەدى پرەزيدەنت.

ن.نازارباەۆ شىۇ مەملەكەت باسشىلارىنىڭ ۇيلەسىمدى ءىس-ارەكەتتەرى قىرعىزستانداعى ازاماتتىق سوعىس پەن قان توگىسكە جول بەرمەدى، دەپ اتاپ ءوتتى.

«ءبىز ودان ارى دا ۇيلەسىمدى جۇمىستى جالعاستىرۋىمىز كەرەك»، - دەيدى مەملەكەت باسشىسى.

ءوز كەزەگىندە قحر توراعاسى وتىرىس بارىسىندا قىرعىزستانداعى احۋال تەزىرەك تۇراقتالاتىن شىعار دەگەن سەنىم ءبىلدىردى. «ءبىز قىرعىزستانداعى احۋال تەزرەك تۇراقتالاتىن شىعار دەپ سەنەمىز جانە وعان مۇددەلىمىز»، - دەدى ول.

تاشكەنت. 11 ماۋسىم. قازتاگ - قازاقستان پرەزيدەنتى نۇرسۇلتان نازارباەۆ شانحاي ىنتىماقتاستىق ۇيىمىنا (شىۇ) مۇشە مەملەكەتتەرمەن قىرعىزستانعا گۋمانيتارلىق جانە قارجىلاي كومەك كورسەتۋى وتە ماڭىزدى دەيدى.

«قىرعىزستانعا قازىرگى قيىندىقتاردى ەڭسەرۋدە، بەيبىتشىلىك پەن تۇراقتىلىقتى ساقتاۋدا، الەۋمەتتىك-ەكونوميكالىق جاعدايدىڭ جاقسارۋىنا قول جەتكىزۋدە كومەك كورسەتكەن وتە ماڭىزدى. قىرعىزستانعا گۋمانيتارلىق تا جانە قايتارىمدى نەگىزدە قارجىلىق كومەك كورسەتكەن دە ماڭىزدى»، - دەدى ن. نازارباەۆ، جۇما كۇنى شىۇ مۇشە مەملەكەتتەردىڭ مەملەكەت باسشىلارىنىڭ كەڭەسىندەگى وتىرىسىندا.  

ونىڭ ايتۋىنشا، الداعى قازاقستاننىڭ شىۇ-عا توراعالىعىنىڭ ءبىر باسىمدىعى ورتالىق ازياداعى قاۋىپسىزدىك پەن تۇراقتىلىقتى ساقتاپ تۇرۋ بولماقشى.

«بۇل قىرعىزستانداعى وقيعالارعا بايلانىستى وتە وزەكتى ماسەلە»، - دەدى پرەزيدەنت.

ن.نازارباەۆ شىۇ مەملەكەت باسشىلارىنىڭ ۇيلەسىمدى ءىس-ارەكەتتەرى قىرعىزستانداعى ازاماتتىق سوعىس پەن قان توگىسكە جول بەرمەدى، دەپ اتاپ ءوتتى.

«ءبىز ودان ارى دا ۇيلەسىمدى جۇمىستى جالعاستىرۋىمىز كەرەك»، - دەيدى مەملەكەت باسشىسى.

ءوز كەزەگىندە قحر توراعاسى وتىرىس بارىسىندا قىرعىزستانداعى احۋال تەزىرەك تۇراقتالاتىن شىعار دەگەن سەنىم ءبىلدىردى. «ءبىز قىرعىزستانداعى احۋال تەزرەك تۇراقتالاتىن شىعار دەپ سەنەمىز جانە وعان مۇددەلىمىز»، - دەدى ول.

قىتاي توراعاسى سونداي-اق «شىۇ-نىڭ ساياسي نەگىزىن دامىتۋ، وتكىر ماسەلەلەر بويىنشا دەر كەزىندە ۇستانىمداردى ۇيلەستىرۋ كەرەكتىگىن» اتاپ ءوتتى.

تاجىكستان پرەزيدەنتى ەمومالي راحمون بۇل پىكىردى قولدادى.

«بولعان وقيعا (قىرعىزستانداعى ورىن العان - قازتاگ) شىۇ-نىڭ ءتيىمدى ىقپال ەتۋ تەتىكتەرىن جاساۋدىڭ وزەكتىلىگىن تاعى دا دالەلدەيدى»، - دەدى ول. 

«بۇگىن ءبىزدىڭ بارلىعىمىز كورشىلەرىمىزگە تەزىرەك زاڭدىلىقتاردىڭ ورنىعۋى مەن كۇردەلى كەزەڭدى ەڭسەرۋى ءۇشىن كومەكتەسۋىمىز كەرەك ەكەندىگى تۇسىنىكتى دە»، - دەپ قوستى ە. راحمون.

اتالعان وتىرىستا شىۇ توراعالىعى وزبەكستاننان قازاقستانعا ءبىر جىل مەرزىمگە وتەدى.

شىۇ-عا قازاقستان، قىتاي، قىرعىزستان، رەسەي، تاجىكستان، وزبەكستان ەلدەرى مۇشە. باقىلاۋشى مەملەكەتتەر: ءۇندىستان، يران، مونعوليا، پاكىستان.

ۇيىمنىڭ نەگىزگى مىندەتتەرى - قاتىسۋشى مەملەكەتتەردى بىرىكتىرەتىن كەڭ اۋقىمدى كەڭىستىكتەگى تۇراقتىلىق پەن قاۋىپسىزدىكتى نىعايتۋ، لاڭكەستىك، سەپاراتيزم، ەكسترەميزم، ەسىرتكى ترافيگىمەن كۇرەس، ەكونوميكالىق ىنتىماقتاستىقتى دامىتۋ، ەنەرگەتيكالىق ارىپتەستىك، عىلىمي جانە مادەني بايلانىستاردى دامىتۋ.