جاقىندا «ازاتتىقتىڭ» قىرعىز قىزمەتى ورتالىق ازيا ەلدەرىنىڭ ونداعان جىلدار بويى اتتان تۇسپەي كەلە جاتقان باسشىلارىنىڭ الەۋمەتتىك جەلىلەردەگى كەيبىر ساتتەرىن جاريالادى.

وا  پرەزيدەنتتەرى باتىستىق بۇقارالىق اقپارات قۇرالدارىندا ءجيى جازىلىپ جۇرگەندەي تەك گەرونتاكراتيالىق باسقارۋ جۇيەسىمەن عانا ەمەس، ۇلتتىق ءداستۇر ءام ءان مەن بيگە دە يكەمدى ەكەندىكتەرىن دالەلدەپ كەلەدى.

مىسالى، قر تۇڭعىش پرەزيدەنتى نۇرسۇلتان ءابىشۇلىنىڭ ينتەرنەتتەگى رەسمي پاراقشاسىندا ەلباسى ءوزى جازعان  اندەردى جاريالاندى. 1989 جىلدان بەرى (27 جىل) مەملەكەت تىزگىنىن ۇستاپ كەلە جاتقان نۇرسۇلتان ءابىشۇلى ءوزى دە ءان ايتىپ، كۇي شەرتۋگە بەيىم جاندى ەكەنىن كورىپ ءجۇرمىز.

«سوڭعى كەزدەرى مەملەكەت پارلامەنتىن تارقاتىپ، ەكونوميكالىق، قارجىلىق قيىندىق قوس وكپەدەن العان قىسىلتاياڭدى جاعدايدى  قازاقستان جۇرتىنا ءتۇسىندىرىپ، تىعىرىقتان شىعۋدىڭ جاڭا جوسپارىن ازىرلەپ جاتقان نۇرسۇلتان نازارباەۆتىڭ ينتەرنەت پاراقشاسىندا،  پرەزيدەنتتىڭ ءوزى جازعان ءتورت ءانى جاريالاندى»،-دەپ جازادى ازاتتىقتىڭ قىرعىز قىزمەتى.

«شۇبارات»، «ەلىم مەنىڭ»، «جەرىم مەنىڭ» جانە ەلباسىنىڭ تۋعان ولكەسى تۋرالى شىعارماسى «ۇشقوڭىر» اندەرى تۋرالى قازاقستاندىق باق-تا جازعان ەدى-اۋ. ارينە، بۇل اندەردە ەل مەن جەرگە، تۋعان توپىراققا، وتانعا دەگەن ۇلكەن ماحاببات جاتقانى داۋسىز.

دەگەنمەن، نۇرسۇلتان ءابىشۇلى ورتالىق ازيا پرەزيدەنتتەرىنىڭ ىشىندە ءان مەن بيگە قۇشتار جالعىز باسشى ەمەس ەكەن. وا-نىڭ «گاز پاتشاسى» دەگەن لاقاپ اتى بار تۇركىمەنستاننىڭ پرەزيدەنتى قۋربانگۋلى بەردىمۇحاممەدوۆ تە ۇلكەن ساحنالاردا ەترادالىق اندەردى ورىنداپ، تۇركىمەنستاندىق انشىلەرمەن بىرگە ونەر كورسەتكەن-ءدى. ءتىپتى، ەسترادالىق توپتاردىڭ بىرىنە گيتارا اسپابىمەن سۇيەمەلدەۋشى دە بولعان.

ايتپاقشى، بەردىمۇحاممەدوۆ مىرزا وتكەن جىلى تۇركىمەنستان پرەزيدەنتى مارى قالاسىنداعى ۇلكەن كونتسەرتتىك زالدا  «العا، العا سۇيىكتى مەكەنىم» ءانىن 4000 كورەرمەنمەن بىرگە ورىنداپ، گيننەستىڭ رەكوردتتار كىتابىنا دە ەنگەن پرەزيدەنت.

ال تاجىكستان پرەزيدەنتى ەمومولي راحمون مىرزانىڭ دا شىعارماشىلىق ادامى ەكەنىن ينتەرنەت قولدانۋشىلارى جاقسى بىلسە كەرەك. سونداي-اق، تاجىكستان استاناسىندا وتكەن كونتسەرتتەردىڭ بىرىندە ەمومولي مىرزانىڭ شابىتى ۇستاپ، ساحناعا دا شىعىپ كەتكەن-ءتىن.  ەمومولي روحموننىڭ تويلاردا ءبيدىڭ ءتۇبىن تۇسىرەتىن دە تاجىكتەردىڭ مەملەكەتتىك تەلەارنالارى كورسەتكەن.

وزبەكستاننىڭ 27 جىلدان بەرى ءابسوليۋتتى باسشىسى يسلام كاريموۆ تە ونەردەن شەتكەرى ەمەس. وزبەك اعايىنداردىڭ اتاقتى ءاندىجانىندا ستاديون ورتاسىنا شىعىپ، ءوز ەلەكتوراتتارىنىڭ الدىندا بيلەپ بەرگەن.

ورتالىق ازيا مەملەكەت باسشىلارى ىشىندە بيلىكتەگى تاجىربيەسى ەڭ از قىرعىزستان پرەزيدەنتى المازبەك اتامباەۆ گيتارا شەرتىپ، ءان ايتاتىن ادەتى بار.

نۇرگەلدى ابدىعانيۇلى

Abai.kz