سوڭعى كۇندەرى ورالمان اعايىندارىمىزدان ماجىلىسكە دەپۋتات ۇسىنۋ ماسەلەسى ەكىۇداي پىكىر قالىپتاستىرعان سىڭايلى.

ءوز باسىم قانداستارىمىزدى "ورالمان" اتاۋعا تۇبىرىمەن قارسىمىن. قىتايدان كەلدى دەپ جۇرگەن قازاقتار 1864 جىلى ورىس پەن قىتاي قازاقپەن ساناسپاي، ءوز قالاۋىنشا شەكارا بولگەندە سىزىقتىڭ ار جاعىندا قالعان قازاقتىڭ ءوز دالاسىن مەكەندەپ ءجۇر. بىلە، بىلسەك اتا جۇرتىندا وتىر. وزبەككە جەرىمىز وتكەنى، ءتىپتى، كەشە ەمەس پە؟. وسى ءبىر ءسوز ەتباۋىر اعايىندى، كەيبىر توعىشارلارعا جاتباۋىر كورسەتەتىن سياقتى. 

ەگەمەندىكپەن قاتار كەلگەن قانداستارىمىز قازاق تاريحىنا، ادەبيەتىنە، مادەنيەتىنە، ونەرىنە، بىلىمىنە تىڭ لەپ، جاڭا تىنىس قوستى.

ءبىر عانا جاعدا بابالىق اتا تۇتاس ينيستيتۋت اقاراتىن ۇلان- عايىر شارۋانى جالعىز اتقارىپ شىققانى جالعان با؟ 

نىعمەت مىڭجان، زىردىحان قيناياتۇلى، ءنابيجان مۇقامەتقانۇلى، باقىت ەجەنحاندار قازاق تاريحىنىڭ بىزگە بەيمالىم تۇتاس داۋىرلەرىن اشىپ بەردى. 

تۇرسىنحان زەكەنۇلىنىڭ وزا شاۋىپ باس بايگە العان "كوك بورىلەردىڭ كوز جاسى" رومانى مەنىڭ ويىمشا، سوڭعى جيىرما جىلداعى 10 ۇزدىك كىتاپتىڭ ءبىرى.

قارجاۋباي سارتقوجا ءبىز "ورحون- ەنيسەي" جازبالارى دەپ وقىعان بىتىك تاستارداعى سوۆەتتىك- قازاق عالىمدارى جىبەرگەن قانشا قاتەنى تۇزەتتى.

مايرا مۇقامەتقىزى وپەرا سالاسىنىڭ بۇگىنگى ەڭ تانىمال ءانشىسى ەكەنى راس قوي. ول وزىمەن بىرگە بىزگە بەيمالىم قىرۋار ءاندى دە الا كەلدى. شۇعىلاداي بيشىسىمەن قاي ەل دە ماقتانا الادى.

اۋىت مۇقيبەك ءبىر ءوزى ءۇش مينيسترلىكتىڭ جۇگىن كوتەرىپ ءجۇر. 

ەندى، مىنانى قاراڭىزشى، نە ءبىر موجانتوپاي مەن بيلىكقۇلدار يە بولىپ جاتقان دەۋپۋتاتتىق مانداتتىڭ بىرنەشەۋىن وسىنداي ايتۋلى تۇلعالارعا بەرسەك ءماجىلىستىڭ ءبىر جەرى قيسايىپ قالا ما؟ جوق! كەرىسىنشە، ۇتامىز.

كامال ءابدىراحمان

Facebook-تەگى پاراقشاسىنان