Freedom House حالىقارالىق قۇقىق قورعاۋ ۇيىمى «الەمدەگى ەركىندىك — 2016» دەپ اتالاتىن ەسەبىن جاريالادى.

وندا 195 ەلدىڭ ساياسي جانە ازاماتتىق ەركىندىكتەرى جونىندە ايتىلعان. باياندامادا ەلدەردى «ەركىن»، «جارتىلاي ەركىن»، «ەركىندىگى شەكتەلگەن» دەپ بولگەن. قازاقستان بۇل تىزىمدە «ەركىندىگى شەكتەلگەن» ەلدەر قاتارىنا كىرەدى.

قازاقستانداعى ساياسي بوستاندىقتى Freedom House 6 باللمەن باعالاپتى. ازاماتتاردىڭ ەركىندىگىنە — 5 بالل قويعان. مۇنداعى 1 باللدان (ماكسيمۋم — بوستاندىق جاعدايى وتە جاقسى) 7 باللدىق (مينيمۋم — جاعداي وتە ناشار) ولشەممەن بەلگىلەنگەن.

قازاقستان رەيتىنگىسىنە 2015 جىلداعى باق-قا قاتىستى وقيعالار سەبەپ بولعان. قازاقستان بيلىگىن سىناعانى ءۇشىن 2015 جىلى Ratel.kz, ADAM bol جۋرنالى جانە «رەسپۋبليكا» وپپوزيتسيالىق گازەتى جابىلدى. «انىز ادام» جۋرنالى توڭىرەگىندە ۇلكەن داۋ بولدى. «جاس الاش» گازەتىن دە سوتقا بەردى.

Freedom House بايانداماسىندا قازاقستان ازەربايجان، بەلارۋس جانە وزبەكستان ەلدەرىنىڭ قاتارىندا.

Abai.kz