بۇگىن رەسەيلىك بۇقارالىق اقپارات قۇرالدارى رف پرەزيدەنتى ۆلاديمير ءپۋتيننىڭ دەنساۋلىعىنىڭ كۇرت ناشارلاۋىنا بايلانىستى ارنايى اسكەري جاساق قىزىل الاڭدى جاۋاپ تاستاعانى جانە كرەمل قاقپاسىنان رەانيموموبيلدىڭ شىققانىن حابارلاپ، دابىل قاعۋدا.

رەسەيلىك سايتتاردىڭ جازۋىنشا، سوڭعى كەزدەرى رف پرەزيدەنتى ۆلاديمير ءپۋتيندى بىرنەشە مارتە جۇرەك سىرقاتى مازالاعان. 26 قاڭتار كۇنى كەشكى ۋاقىتتا كرەملگە «جەدەل جاردەم» كولىگى كەلىپ كىرگەن. وسى وقيعادان كەيىن ارنايى جاساق اسكەريلەرى قىزىل الاڭدى تولىقتاي جاۋىپ تاستاعان.

ماسكەۋلىك پوليتسەيلەردىڭ تاراتقان مالىمەتتەرىنە سۇيەنسەك، قىزىل الاڭ «ارنايى شارا» ءۇشىن جابىلعان-مىس. ەستەرىڭىزدە بولسا، كەشە پورتالىمىزدا (http://abai.kz/post/view?id=6458) رەسەي پرەزيدەنتى ۆلاديمير ءپۋتيننىڭ بۇرىنعى ايەلى ليۋدميلا پۋتينانىڭ وزىنەن 21 جاس كىشى ازاماتقا تۇرمىسقا شىققانى تۋرالى جازعان ەدىك. كەيبىر ساراپشىلار رەسەي پرەزيدەنتىنىڭ جۇرەگىنە بۇرىنعى ايەلى ليۋدميلانىڭ باسقا كۇيەۋگە ءتيۋى قاتتى اسەر ەتۋى مۇمكىن ەكەنىن ايتىپ جاتىر. 

Abai.kz