ەۋرووداققا مۇشە بىرقاتار ەل شەنگەن اۋماعىنداعى شەكارالىق باقىلاۋدى ۇزارتۋدى قولدايدى. Welt am Sonntag باسىلىمى ديپلوماتيالىق دەرەككوزدەرىنە سۇيەنە وتىرىپ، بۇل ەلدەردىڭ قاتارىنا گەرمانيا، اۆستريا، دانيا، بەلگيا جانە شۆەتسيا جاتاتىنىن حابارلادى. قاڭتاردىڭ 25-دە امستەردامدا وتەتىن ەو ەلدەرىنىڭ سىرتقى ىستەر مينيسترلەرىنىڭ كەزدەسۋىندە شەكارالىق باقىلاۋ مەرزىمىن ۇزارتۋدى زاڭنامالىق راسىمدەۋ ماسەلەسى كوتەرىلۋى مۇمكىن.

جاڭا شارالار قابىلدانسا، قازىرگى ەرەجەگە سايكەس، 2016 جىلى مامىردا شەكاراسىنداعى باقىلاۋدى الىپ تاستاۋعا مىندەتتى گەرمانيا باقىلاۋ ءتارتىبىن تاعى ءبىر جارىم جىلعا ۇزارتا الادى.

ەو اۋماعىندا بۇدان دا قاتاڭ شارالارعا بارۋ تۋرالى ۇسىنىستار ايتىلۋدا.  اۆستريا ءسىم باسشىسى يوحاننا ميكل-ليايتنەر گرەكيانى ەۋروپا ىشىندەگى ەركىن ءجۇرىپ-تۇرۋ تۋرالى كەلىسىمنەن شىعارىپ تاستايتىنىن ايتىپ ەسكەرتتى. ول گرەك-تۇرىك شەكاراسىندا باقىلاۋ ورناتۋدىڭ مۇمكىن ەمەستىگى تۋرالى ءۋاجدى – "قۇر اڭىز عانا" دەپ باعالايدى.