قازاقستان رەسپۋبليكاسى 

پرەزيدەنتى اكىمشىلىگىنىڭ باسشىسى

ن.ز.نىعماتۋلينگە.

قۇرمەتتى نۇرلان زايروللاۇلى!

ء​وزىڭىز جاقسى بىلەسىز، الەمدەگى بار قازاقتىڭ جالعىز وتانى – قازاقستان! ەلباسىمىز – اللا باعىمىزعا بەرگەن ن.ءا.نازارباەۆ. ءبىز قايدا تۋساق تا قازاق بولىپ جارالعانىمىز ءۇشىن ءوزىمىزدى وتە باقىتتى سانايمىز. ارينە، مىناداي ەلى، جاڭا استاناسى، كەمەڭگەر پرەزيدەنتى بار ەلدىڭ ازاماتى بولۋدان اسقان قانداي باق بولسىن!

​پرەزيدەنتىمىزدىڭ قاسىنان تابىلىپ، جۇكتەگەن تاپسىرمالارىن بۇلجىتپاي ورىنداپ كەلە جاتقان سىزگە جانە ءسىزدىڭ ارىپتەستەرىڭىزگە دە ايتار العىسىمىز شەكسىز.

​كەشەلى بەرى قانداس باۋىرلارىڭىز سىزگە حات جازىپ، الىستان ورالعان اعايىنداردان دا كەلەسى شاقىرىلىمدا ءماجىلىس دەپۋتاتى بولسا ەكەن دەگەن وتىنىشتەرىن قارشا بوراتىپ جاتىر. مەن دە سول تىلەكتەگى ءباۋىرلارىڭىزدىڭ بىرىمىن. جۇبايىم ەكەۋمىز دە ءانشىمىز. ونەرىمىزدىڭ ارقاسىندا بالا-شاعامىزدى اسىراپ كەلەمىز. ۇكىمەتتەن ەشتەڭە دامەتپەيمىز. ەل-جۇرتىمىز، بايتاق وتانىمىز - قازاقستان امان بولسا، ءبارى جاقسى بولادى! مەن وعان كامىل سەنەم. بيىل تاۋەلسىزدىكتىڭ 25 جىلدىعىن تويلايمىز! 25 جىلداعى تابىسىمىز مول. ەڭ باستىسى، ەلگە ەل قوسىلدى – ءبىر ميلليون قازاق كەلدى سىرتتان. ولاردىڭ جالعاستى كەلۋىنە ەلباسى تاعى جول اشتى. ايتار العىسىم شەكسىز پرەزيدەنتىمە!

​سوندىقتان، سىزدەن سول كوپشىلىكتىڭ «شەتتەن كەلگەن اعاينداردان ءدا بىر-ەكى دەپۋتات بولسا ەكەن!» - دەگەن وتىنىشىنە باسا مان بەرسەڭىزدەر ەكەن دەگەن تىلەگىم بار!

قۇرمەتپەن، قانداسىڭىز: اققۋ بايجىگىت

Abai.kz