Sputnik باسىلىمى جاستاردىڭ «كامولوت» قوعامدىق قوزعالىسىنىڭ كەيبىر مەسسەندجەر مەن الەۋمەتتىك جەلىلەردىڭ جاس ۇرپاققا تيگىزەتىن زياندى اسەرىن شەكتەۋگە باعىتتالعان جۇمىس باستاعانىن حابارلادى.

ازىرگە «كامولوت» كەيبىر الەۋمەتتىك جەلىلەردىڭ جۇمىسىن شەكتەۋدىڭ تەحنيكالىق جانە باسقا جولدارىن زەرتتەپ جاتقانى بەلگىلى بولدى. اتاپ ايتقاندا، قوزعالىس Telegram, Facebook جانە «ودنوكلاسسنيكي» قىزمەتتەرىنە ەرەكشە نازار اۋدارعان.

باسىلىمعا حابار بەرگەن دەرەككوز: «قازىر وزبەكستان جاستارى اراسىندا كەڭ تاراعان بۇل الەۋمەتتىك جەلىلەردى ءتۇرلى ەكسترەميستىك جانە تەررورلىق توپتار ءوز قاتارىنا ادام تارتۋ، جاستار اراسىندا ۇگىت-ناسيحات جۇرگىزۋ ماقساتىنا پايدالانىپ وتىر. سوندىقتان بۇل ماسەلەنى مۇقيات زەرتتەپ، دۇرىس شەشىمىن تابۋ كەرەك»، - دەپ مالىمدەدى.

ونىڭ سوزىنشە، كوپشىلىكتىڭ پىكىرىن ەسكەرۋ ءۇشىن ءتۇرلى سالا ساراپشىلارى جۇمىسقا ارالاسادى جانە حالىقارالىق تاجىريبەنى زەرتتەيتىن بولادى.

قازىرگى تاڭدا وزبەكستاندا كوپتەگەن تاۋەلسىز جانە وپپوزيتسيالىق ۆەب-سايتتار اشىلمايدى. «شەكاراسىز رەپورتەرلەر» حالىقارالىق ۇيىمى ەلدى جىل سايىن «ينتەرنەت جاۋلارى» تىزىمىنە قوسىپ كەلەدى. 

Abai.kz