قىرعىزستاندا تەررورشىلارعا قارۋ ساتتى دەگەن كۇدىكپەن پوليتسيا وفيتسەرى ۇستالدى.

ەلدىڭ مەملەكەتتىك ۇلتتىق قاۋىپسىزدىك كوميتەتىنىڭ دەرەگىنشە، ول قاڭتاردىڭ 17-دە جالال-اباد وبلىسىندا ۇستالعان.

ونىڭ الدىندا تەرروريزم ايىبىمەن تۇتقىندالعان باسقا كۇدىكتى وزىنەن تابىلعان قارۋ-جاراق پەن وق-ءدارىنى پوليتسيا قىزمەتكەرىنەن العانىن ايتقان. پوليتسيا وفيتسەرىنىڭ بۇل ارەكەتى تەررورشىلارعا بولىسۋ ما، جەمقورلىق پا، الدە وعان جالا جابىلدى ما – بۇل اراسىن تەرگەۋ مەن سوت انىقتايدى.

قىرعىزستان بيلىگى سوڭعى ايلاردا قۇقىق قورعاۋ ورگاندارىنىڭ قىزمەتكەرلەرىنە شابۋىل جاساۋدىڭ جيىلەپ كەتكەنىنە الاڭداپ وتىر. جانە مۇنىڭ ارتىندا «يسلام مەملەكەتى» راديكالدى توبىنىڭ مۇشەلەرى تۇرۋى مۇمكىن دەپ سانايدى. بىشكەكتىڭ مالىمەتىنشە سيريا مەن يراكتا ەكسترەميستەردىڭ قاتارىندا ەلدىڭ جۇزدەگەن ازاماتى سوعىسىپ جاتىر.

Abai.kz