اقش ەۋروپالىق وداق ەلدەرىنىڭ ازاماتتىعىمەن قوسا يران، يراك، سيريا جانە سۋداننىڭ تولقۇجاتىنا يە ازاماتتاردان، سونىمەن بىرگە 2011 جىلدىڭ ناۋرىزىنان باستاپ وسى ەلدەردە بولعانداردان ۆيزا تالاپ ەتەتىن جاڭا ەرەجەنىڭ كۇشىنە ەنگەنىن حابارلادى.

بۇل تالاپ تەك اتالعان ەلدەرگە جۋرناليست، ۇكىمەتتىك قىزمەتكەر، گۋمانيتارلىق قىزمەتكەر رەتىندە جانە زاڭدى ىسكەرلىك ساپارمەن بارعان جاندارعا جۇرمەيدى.

اقش مەملەكەتتىك دەپارتامەنتىنىڭ ءباسپاسوز حاتشىسى مارك تونەر شەشىمنىڭ ءاربىر جاعدايدا جەكە قابىلداناتىنىن مالىمدەدى. قۇقىق قورعاۋشىلار كونگرەسس قىركۇيەكتە قابىلداپ، پرەزيدەنت وباما قول قويعان ۆيزاسىز ەلگە كىرۋگە ءىشىنارا توقتاۋ سالۋ تۋرالى ەرەجەنى كەمسىتۋشىلىك ەسەبىندە سىناعان بولاتىن. ازاماتتىق بوستاندىقتاردىڭ امەريكالىق وداعى جەلتوقساندا «بۇل دۇرىس ەمەس جانە جەكەلەگەن ادامداردى ۇلتىنا، تەگىنە، دىنىنە تاعى باسقا ەرەكشەلىكتەرىنە قاراپ جازالاۋ امەريكالىقتارعا جات»، - دەپ مالىمدەگەن ەدى.

شەكتەۋلەر پاريجدەگى جانە كاليفورنيانىڭ سان-بەرناردينو قالاسىنداعى  تەررورلىق شابۋىلداردان كەيىن قويىلدى. ەل بيلىگى باستى ماقسات – امەريكالىقتاردى تەررورلىق قاۋىپتەن قورعاۋ ەكەنىن مالىمدەدى.

Abai.kz