بۇگىن قر اەروعارىش كوميتەتىنىڭ توراعاسى تالعات مۇساباەۆ قر پرەزيدەنتىنىڭ كەڭەسشىسى لاۋازىمىنا تاعايىندالدى. بۇل تۋرالى «abai.kz» پورتالى اقوردانىڭ ءباسپاسوز قىزمەتىنە سىلتەمە جاساي وتىرىپ حابارلايدى.

قازاقستان رەسپۋبليكاسى پرەزيدەنتىنىڭ ارنايى جارلىعى بويىنشا، مۇساباەۆ تالعات امانگەلدىۇلى قر پرەزيدەنتىنىڭ كەڭەسشىسى لاۋازىمىنا تاعايىندالعان. تالعات امانگەلدىۇلىنىڭ «كەڭەسشىلىك» وكىلەتتىلىگى 2017 جىلدىڭ 31-جەلتوقسانىنا دەيىن سوزىلعان.

مۇساباەۆ تالعات امانگەلدىۇلى 2007 جىلى قر ۇلتتىق عارىش اگەنتتىگىنىڭ  توراعاسى بولىپ تاعايىندالعان. ال 2014 جىلدىڭ 6 تامىزى كۇنى اگەنتتىك تاراتىلدى.

سودان كەيىن 2014 جىلدىڭ 18-تامىزى كۇنى قر ينۆەستيتسيا جانە دامۋ ءمينيسترى اسەت يسەكەشەۆتىڭ پارمەنمەن قر اەروعارىش كوميتەتىنىڭ توراعاسى بولىپ قايتا تاعايىندالعان.

قازاقستان رەسپۋبليكاسىنىڭ پرەزيدەنتىنىڭ پارمەنىمەن «كەڭەسشى» لاۋازىمىن يەمدەنگەن داراقى مەنىزدى ءداۋ اعانىڭ جۋرناليستەر مەن ەل الدىندا ابىرويى اسا جوعارى دەي الماعانىمىزبەن، ءوز ءىسىنىڭ ناعىز مامانى ەكەنىنە كوز جۇمۋعا بولماس ءسىرا.

كەلتە ويلى كەي دوكەيلەردىڭ كادردان تىس ەرسى ارەكەتتەرى مەن دوقاي دورەكىلىگى كوبىنە كوز جۇمىس قوياتىنىمىز تاعى راس.

اسىرەسە، پرەزيدەنت  كەڭەسشىسى بولىپ تاعايىندالعان تالعات امانگەلدىۇلى جۋرناليستەر مەن ەل الدىنداعى ءيميدجىن ءتۇسىرىپ العان.

وكىنىشكە قاراي، «جوق بولىپ كەتەتىن»، ورنىندا وتىرسا دا جاۋاپ بەرۋگە ەرىنەتىن، لاۋازىمى مەن اتاق-ابىرويىنا سۇيەنىپ، ءجۋرناليستىڭ قىزمەتىنە كوپە-كورىنەۋ كەدەرگى كەلتىرەتىن اتقامىنەرلەردىڭ قاتارىنا ءدال وسى تالعات مۇساباەۆتى جاتقىزادى جۋرناليستەر.

مىسالى، «قازعارىش» توراعاسى ءھام سۋ جاڭا «پرەزيدەنت كەڭەسشىسى» تالعات مۇساباەۆتىڭ تىلشىلەرگە كورسەتكەن ەرسى قىلىعى ءالى كۇنگە دەيىن ۇمىتىلعان جوق. 

2013 جىلى بايقوڭىرداعى اپاتقا قاتىستى ۇكىمەت كەڭەسىنەن شىققان سوڭ تىلشىلەرمەن كەزدەسۋ كەزىندە مۇساباەۆ «كتك» تەلەارناسىنىڭ ءتىلشىسى ەربول سەيىلحاندى بالاعاتتاپ، كەۋدەسىنەن يتەرىپ جىبەرگەن بولاتىن.

مينيسترلەر ماقتاعان مۇساباەۆتىڭمۇنداي ارەكەتى الەۋمەتتىك جەلىلەردە قىزۋ تالقىعا ءتۇسىپ، ازاماتتاردىڭ باسىم بولىگى مەملەكەتتىك قىزمەتكەردىڭ دورەكىلىگىنە نارازىلىق بىلدىرگەن ەدى سول كەزدە. تاسپاعا جازىلىپ قالعان ۆيدەودان ءتىلشىنىڭ «قازعارىش» توراعاسىنا ورىن ۇسىنىپ جاتقانىن، ال مۇساباەۆتىڭ ءجۋرناليستى جاقتىرماي: «ماعان قايدا تۇرۋ كەرەگىن ۇيرەتەتىن سەن كىمسىڭ؟» دەپ جەر-جەبىرىنە جەتىپ ۇرىسقان ءساتىن «كتك» ارقىلى ءدۇيىم جۇرت كوردى.

 «مەملەكەتتە كورگەنسىز جاس پەن ۇلكەن كىسىنىڭ اراسىنداعى كيكىلجىڭنەن باسقا ماڭىزدى ماسەلە جوق پا؟ «بايقوڭىردا» توتەنشە جاعداي بولدى، جۋرناليستەر نەگە قوعامنىڭ نازارىن سوعان بۇرمايدى؟ قولىڭدا كامەرا بولسا، ويىڭا كەلگەندى ءتۇسىر دە، كورسەتە بەر دەگەن ءسوز ەمەس. كورەرمەندەرگە بولعان وقيعا باستان-اياق كورسەتىلمەگەن، ەفيردەن تەك سوڭعى ءساتى بەرىلگەن»، – دەپ اقتالعان ەدى مۇساباەۆ مىرزا.

ءيا، اشۋلانعاندا ەموتسياسىن جاسىرا المايتىنىن ايتقان تالعات مۇساباەۆتىڭ ەل اۋزىندا جۇرگەن «حيت» سوزدەرى دە جوق ەمەس. اسىرەسە، دورەكەلىگىمەن داراقىلاناتىن مۇساباەۆ مىرزانىڭ مىنا سوزدەرى بۇقارالىق اقپارات قۇرالدارىنىڭ «حيت» شەرۋىنە ەنگەن ەكەن.

وزىنەن سۇحبات الماقشى بولعان جۋرناليستكە ايتقانى: «نە تۇرسىڭ؟ يدي نا ح.. وتسيۋدا! جىندىما مىناۋ؟ مەنىڭ باسىما شىق وندا. سەن كىمسىڭ ماعان قايدا تۇرۋ كەرەكتىگىن كورسەتەتىن؟»، ء«بىز رەسەيدىڭ بايقوڭىردا ماڭگى قالعانىن قالايمىز!».

ءتۇيىن: تالعات امانگەلدىۇلى مۇساباەۆتىڭ جاڭا مىندەتىنەن نە كۇتۋگە بولادى؟ ول پرەزيدەنتكە قانداي كەڭەستەر بەرۋى مۇمكىن؟ تالعات امانگەلدىۇلى – عارىشكەر. كوميتەت توراعاسى. باسقا قانداي اقپارات بار؟ ءيا، تالعات مۇساباەۆ قازاق ءتىلدى ورتاعا اسا جاعىمدى وبراز ەمەس ەكەنى راس. ءتىپتى، كەيدە «سۇيكىمسىز» كورىنەدى. سۇيكىمسىزدىگى سول – تەك رەسمي تىلدە سويلەيتىنىندە. راس. كەشەگى عارىشكەر، كەشەگى اگەنتتىك پەن كوميتەت توراعاسى بۇگىن -«پرەزيدەنت كەڭەسشىسى». تاكەڭنىڭ دە، اقىل ايتار جاسقا جەتكەنى دە بۇل. ايتپەگەندە، ەل باسشىسى اقىلسىزدان اقىل سۇرار ما ەدى؟! ءبىر كەم دۇنيە...

نۇرگەلدى ابدىعانيۇلى

Abai.kz