الماتىدا بۇگىن يپوتەكالىق نەسيەگە ءۇي الىپ، قارىزىن وتەي الماي جۇرگەن ونداعان بورىشكەر “كازكوممەرتسبانكتىڭ” ءال-فارابي داڭعىلى مەن جەلتوقسان كوشەسىنىڭ قيىلىسىندا ورنالاسقان بولىمشەسى الدىندا نارازىلىق شاراسىن وتكىزىپ جاتىر.

ازاتتىق ءتىلشىسىنىڭ وقيعا ورنىنان حابارلاۋىنشا، بورىشكەرلەر تالاپتارىن ايتۋ ءۇشىن بانك باسشىلىعىنىڭ سىرتقا شىعىپ، وزدەرىمەن كەزدەسۋىن تالاپ ەتىپ جاتىر. بورىشكەرلەر ەكونوميكالىق جاعداي مەن تەڭگەنىڭ ۇزدىكسىز قۇنسىزدانۋىنا بايلانىستى قارىزدارىن تولەي الماي جاتقانىن ايتىپ، قارىزدارىنىڭ قايتا ەسەپتەلۋىن تالاپ ەتەدى. نارازىلار ۇستىلەرىنە كوزدەرى عانا كورىنەتىندەي عانا ەتىپ قارا ماتا جاۋىپ شىققان.

بولىمشەدەن شىققان بانك وكىلى بورىشكەرلەرگە تالاپتارىن جازباشا تۇردە تاپسىرۋدى سۇرادى. بىراق بورىشكەرلەر وعان قارسىلىق ءبىلدىرىپ، “توراعا، سىرتقا شىق! ( دەپ ۇرانداپ ايقايلاپ تۇرىپ الدى.

ازاتتىق بورىشكەرلەر نارازىلىعىنان تىكەلەي ترانسلياتسيا جۇرگىزىپ جاتىر.

Abai.kz