سالاۋاتتى ءومىر سالتىنا ۇمتىلعان ەل باسشىلىعى تەمەكى ساتۋعا تىيىم سالىپ، ونىڭ باعاسىن كۇرت كوتەرىپ جىبەردى.

«حرونيكي تۋركمەنيستانا» باسىلىمى بۇعان جىل باسىندا دەنى ساۋ قوعامنىڭ قاۋىپسىزدىگى ماسەلەسى بويىنشا جۇمىستارعا كوڭىلى تولماعان گۋربانگۋلى بەردىمۇحاممەدوۆتىڭ، سالاۋاتتى قوعام قاۋىپسىزدىگىن قورعاۋ قىزمەتى باسشىسىنىڭ لاۋازىمىن تومەندەتىپ تاستاعانى سەبەپ بولعانىن جازادى. وسىدان كەيىن بيلىك تەمەكى تارتۋعا قارسى قاتاڭ شارالار قولدانا باستاعان. دۇكەندەر مەن بازارلاردا تەمەكى ساتۋعا تولىق تىيىم سالىندى. تەمەكى ساتقان ساتۋشى 10 تومەنگى جالاقى كولەمىندە (5 900 مانات نەمەسە 1680$) ايىپپۇل تولەيدى.

قازىر تەمەكىنى تانىستاردان نەمەسە جاسىرىن ساۋدا ورىندارىنان ساتىپ الۋعا بولادى. دۇكەن يەلەرى بەيتانىس جاندارعا شىلىم ساتپايدى. تەمەكى ساۋداسىنا تىيىم سالىنعالى بەرى، ەلدەگى تەمەكى ونىمدەرىنىڭ باعاسى 1,5-2 ەسەگە ء–ار قورابىن ءۇشىن 13 دوللارعا ءوسىپ كەتكەن. وسىنىڭ اسەرىنەن كوپتەگەن شىلىمقور ءبىر داناسى 1.5-2 مانات (40 تسەنت) بولاتىن تەمەكىنى ءبىر تالداپ ساتىپ الۋعا كوشكەن.

تەمەكى تارتۋمەن ەل ءبىرازدان بەرى كۇرەسىپ كەلەدى. 2011 جىلى تۇركىمەنستاندا تەمەكى ونىمدەرىنە اكتسيز قۇنى ءوسىرىلدى. كەيىنىرەك قوعامدىق ورىنداردا تەمەكى تارتۋعا تىيىم سالىندى. بۇل ءبىر جاعىنان ناتيجە بەرىپ وتىر. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، تۇركىمەنستان شىلىمقورلار سانى ەڭ از ەلدەر قاتارىندا.

اباي-اقپارات