بارىستى اتقان 48 جاستاعى اڭشىنى پوليتسيا قولعا تۇسىرگەن. ىستىقكول وبلىسىنىڭ تۇرعىنى اسقاربەك كاراناەۆتان سيرەك كەزدەسەتىن اڭنىڭ تەرىسى مەن اڭشى كارابينى تاركىلەندى.

كاراناەۆ بارىستى قاسقىرمەن شاتاستىرىپ الىپ، بايقاماي اتىپ العانىن ايتادى. بىراق الەۋمەتتىك جەلى قولدانۋشىلارى ونىڭ سوزىنە سەنبەيدى، ايتۋلارىنشا اڭشى جانۋاردى اتىپ العان جەرلەردە قاسقىر جۇرمەيدى.

قىرعىزستان ءىىم زاڭسىز اڭ اۋلاۋعا قاتىستى اڭشىنىڭ ۇستىنەن قىلمىستىق ءىس قوزعادى. سوت ونى كىنالى دەپ تاپسا، ايىپتالۋشى جارتى ميلليون سوم ($6 500) ايىپپۇل تولەۋى نەمەسە 2 جىلعا دەيىن تۇرمەگە وتىرۋى مۇمكىن. بىراق ينتەرنەت قاۋىمداستىعىنىڭ وكىلدەرى سيرەك كەزدەسەتىن اڭنىڭ ءولىمى ءۇشىن ەكى جىلدى از دەپ ساناپ، مۇنداي قىلمىسقا بەرىلەتىن جازانى كۇشەيتۋدى تالاپ ەتۋدە.

كەي ساناق بويىنشا، قىرعىزستاندا قار بارىسىنىڭ نەبارى 200 شاقتى ءتۇرى قالعان. ەلدە وسى جانۋاردى ساقتاپ قالۋعا ارنالعان بىرقاتار حالىقارالىق جوبا جۇمىس ىستەيدى. ونىڭ بىرنەشەسىن تانىمال گولليۆۋد اكتەرى لەوناردو دي كاپريونىڭ قورى قارجىلاندىرادى.

اباي-اقپارات