وزبەكستان ماقتا ءونىمىن قىسقارتپاقشى
وزبەكستان بيلىگى الداعى ءتورت جىلدا ماقتا ءونىمىن 3 ميلليون 350 مىڭ توننادان 3 ميلليون تونناعا قىسقارتپاقشى.
بۇل جونىندە وزبەكستان پرەزيدەنتى يسلام كاريموۆ تاشكەنتتە وتكەن مينيسترلەر كابينەتىنىڭ كەڭەيتىلگەن وتىرىسىندا مالىمدەدى.
كاريموۆتىڭ سوزىنشە، قىسقارتۋدىڭ سەبەبى باعا تۇسكەن ءارى الەمدىك نارىقتا ماقتاعا دەگەن سۇرانىس تومەندەگەن.
سونىمەن بىرگە وزبەكستان پرەزيدەنتى ماقتادان بوساعان 170,5 مىڭ گەكتار جەرگە كوكونىس ەگىلەدى دەدى. ءبىرىنشى كەزەكتە كارتوپ، ءجۇزىم، جەمشوپ بازالارى قۇرىلادى ەكەن.
ماقتا وزبەكستاننىڭ باستى ەكسپورتتىق ءونىمى بولىپ تابىلادى. جىل سايىن كۇزدە حالىقتى جاپپاي ماقتا تەرۋگە شىعارادى.
حالىقارالىق ۇيىمدار وزبەكستان بيلىگىن ماقتا تەرۋدە ادام ەڭبەگىن ءماجبۇرلى تۇردە پايدالانادى دەپ سىنعا الىپ كەلەدى.
اباي-اقپارات
