ميگرانتتار رەسەيدەن كەتىپ جاتىر
رەسەيدىڭ ميگراتسيالىق قىزمەتىنىڭ مالىمەتىنشە، وتكەن جەلتوقسان ايىندا تاجىكستاننان كەلگەن ەڭبەك ميگرانتتارىنىڭ سانى 3,8 پايىزعا قىسقارىپ، 862 مىڭ 321 ادام قالعان.
وزبەكستان ازاماتتارىنىڭ سانى دا بىردەن ءتۇسىپ جاتىر — ءبىر ايدىڭ ىشىندە 4,1 پايىزعا قىسقارعان. قازىر رەسەي اۋماعىندا بۇل ەلدىڭ 1 ملن 800 ازاماتى قالعان.
الايدا رەسەيگە كەلىپ جاتقان قىرعىز ازاماتتارىنىڭ سانى ەكى پايىزعا كوبەيگەن. بۇگىندە ولاردىڭ سانى — 553 مىڭ 910 ادام.
2015 جىلدىڭ 1 قاڭتارىنان بەرى رەسەيدە شەتەلدىك ازاماتتار ءۇشىن تەك زاڭدى تۇلعالار مەن جەكە كاسىپكەرلىك پاتەنتى بارلار عانا ۆيزاسىز جۇيەدە جۇمىس ىستەي الاتىن ءتارتىپ ەنگىزگەن.
اباي-اقپارات
