بەرىك وتەمۇراتتىڭ قىزمەتىنەن الىنۋى، ونىڭ Wall Street Journal باسىلىمىنا, مۇنايدان تۇسكەن ۇستەمە كىرىستەن قۇرالاتىن قازاقستان ۇلتتىق قورى قارجىسى «6-7 جىلدا سارقىلۋى مۇمكىن» ەكەنىن مالىمدەگەن سۇحباتىمەن قاتار كەلدى.

امەريكانىڭ Wall Street Journal جۋرنالى سايتىندا جاريالانعان ماقالادا «قازاقستان ۇلتتىق بانكى وكىلىنىڭ ايتۋىنشا، مۇناي باعاسىنىڭ قۇلدىراۋى سالدارىنان كىرىسى كەمىگەن قازاقستاننىڭ 64 ميلليارد دوللار كولەمىندەگى مۇناي قورى التى نە جەتى جىل ىشىندە اقشاسىز قالۋى مۇمكىن، ال ۇكىمەت بولسا جيعان-تەرگەنىن جۇمساپ جاتىر» دەپ جازىلعان. 

Wall Street Journal بەرىك وتەمۇراتتىڭ «2014 جىلدىڭ تامىزىندا ەڭ جوعارعى كورسەتكىشكە – 77 ميلليارد دوللارعا دەيىن جەتكەن ۇلتتىق قور جيناعىنىڭ كولەمى 17 پايىزعا ازايىپ كەتتى. ۇكىمەت جىل سايىن قوردان 9 ميلليارد 500 ميلليون دوللار جۇمسايدى. قازاقستاندىق ساياساتكەرلەر مەن ۇلتتىق بانك شىعىندى ازايتىپ، سالىق ءتۇسىمىن ۇلعايتۋى جانە قور قارجىسىن تىكەلەي ينۆەستيتسيا سياقتى ۇلكەن كىرىس اكەلەتىن اكتيۆتەرگە سالۋى ءتيىس» دەگەن سوزدەرىن كەلتىرگەن. 

بەرىك وتەمۇراتتىڭ بۇل سۇحباتى قازاقستان قوعامىن دۇرلىكتىرگەن ەدى. الايدا وتەمۇراتتىڭ ءوزى قىزمەتىنەن الۋىنۋىنىڭ سەبەبىن تۇسىندىرۋدەن باس تارتتى.

اباي-اقپارات